阮政峰自离巢无线后，转为多方面自由发展，涉足电台工作、新媒体及商业司仪等，工作比起以前更加多样化。今晚他出席活动，被问到离巢后是否有留意无线的新处境喜剧《爱·回家之三代同糖》，他接受《香港01》坦言家里没有电视，平时主要靠网络片段了解，并未特意追看全剧。

谈及离巢后的近况与对新剧的看法

被问到离巢后是否有收看新处境剧《爱·回家之三代同糖》，阮政峰坦言：“冇细心睇，首先一嚟我屋企系冇电视呢样嘢嘅，都系睇吓手机，咁所以我冇睇整集。（觉得依家啲制作点？）哎呀，唔评论啦，边有资格评论，搞笑咩。无谓一个人去评论一间大嘅电视台点样去拍摄啦，我冇呢个资格，系咪？你哋都好，好多人都冇，除咗隔篱台之外，我相信都唔会有人去咁样评论。我会觉得大家同一个磨合期啰，因为新嘅剧集啦，跟住佢哋面对嘅问题系啲咩啦。同埋其实系难㗎，始终九年几嘅《爱回家》呢个难题，因为大家𠮶个亲切感系冇办法取代。所以我觉得第一个课题就系佢哋要建立自己嘅粉丝群。我觉得只要所有演员同埋所有拍摄人系用尽心力去做就够。”

提及前同事林淑敏（大小姐）、前后与滕丽明及郑世豪传出的不和传闻，阮政峰表示：“如果话冇留意，都会有啲假，少少啦，都有望吓。对于件事我就唔评论，因为你见到阿滕佢哋去到最后𠮶个答法，我觉得咪完啰。（郑世豪好似好憎大小姐？）呢个冇留意，同埋冇听过话佢哋不和。”