陈汉娜（Hanna）早前继“仓鼠事件”引起网民热议后，网上再有指控她涉嫌校园欺凌的帖文。当中一名网民留言，声称中学时期曾遭陈汉娜欺凌，指控包括“踩我背包，扔我盒饭落垃圾桶，笑我系单亲家庭，仲揾佢男朋友嚟打我”，更愤怒质问“你做过呢啲事都仲敢出嚟做明星”，事件惹起网上热议。

得知指控感到惊讶 澄清当时“根本冇男朋友”

陈汉娜今晚（17/9）出席活动时，接受《香港01》访问，大谈心情并亲身回应有关指控。谈及首次看到网上指控时的感受，陈汉娜坦言非常惊讶：“刚听到的时候系会 shocked 嘅，即系会觉得‘发生咩事？’，即系好突然啦。然后我啲朋友都有 send message 俾我，我自己啲朋友都知道我系一个点嘅人，变相我又觉得冇谂咁多。因为始终呢个世界一定会有好多人唔喜欢你，或者想讲一些嘢去伤害你，或者佢唔开心。我自己觉得识我嘅人就会知道我系一个点嘅人！”

对于网民指控她踩背包、扔饭盒甚至找男朋友打人等严重行为，陈汉娜极力否认：“好严重嘅指控，我系呆咗，我系心谂发生咩事？男朋友又冇，完全冇男朋友嘅𠮶时，系完全！我系呆咗。”被问到指控是否完全非事实，她肯定地表示：“完全冇做过。”

信任身边人 无意刻意澄清

被问到打算如何面对指控，陈汉娜指自己问心无愧：“因为我反而觉得如果我有做过，咁我真系更难面对啦，但我冇做过，我又觉得我其实系真系冇必要，即系我觉得我又真系冇做到，同埋其实我一直以来都系一个就算网上有任何嘢话我嘅，我其实都会选择‘嗯，由得佢哋’。”

她续指，自己原本就没有打算刻意澄清，这段时间也没有感到压力：“因为我本身已经冇谂住去澄清，即系我觉得我自己身边好多朋友佢哋都知道我系点，同埋我觉得我身边嘅人都去相信我呢件事系最重要。”至于家人方面，她笑言家人应该不知道这件事，因为他们平时不太留意娱乐新闻，而事件也没有对她的日常工作造成影响。