蔡思贝昨日（17日）以“义务大使”身份，到大围出席铅笔义卖大行动启动礼。早前曾亲身前往尼泊尔进行探访的蔡思贝，在台上分享时分享时感触良多。此外，她也回应了闺密何雁诗与郑俊弘近期传出的婚变传闻，及将罕见遗传病“天使综合症”的儿子往温哥华生活的争议。

亲赴贫民区探访 蔡思贝：“一家四口住喺个洞度”

蔡思贝在受访时透露，在台上听到探访点滴时非常感触：“因为我自己都比较感性，同埋当地嘅情况真系好严峻。你见到个环境，可能连最基本嘅卫生设施、厕所都冇。如果女仔开始步入青少年期有月经，要同男仔共用一个唔卫生嘅厕所，其实所有嘢都有好大进步空间。”

问到让她感到最震撼的一幕，蔡思贝难过地表示：“有个一家四口嘅屋企，其实只系一个‘窿’。冇水源、冇厕所，真系好似揾啲泥搭出嚟嘅窿，里面有一张床，一家四口就喺个窿里面生活。佢哋煮饭嘅地方，Exactly就系喺个窿里面，攞啲树枝喺地上下烧嚟煮食，啲烟会攻返入佢哋睡觉嘅地方。呢个我觉得好震撼，里面仲要系黑漆漆咁样。”

增加领养儿童

因为亲眼目睹贫困状况，蔡思贝表示希望尽能力多参与慈善，并坦言香港人生活相对幸福：“我觉得自己会惭愧，因为香港相对地真系幸福好多。”蔡思贝透露自己一直有领养3个儿童，而这次探访后，决定再资助刚才提到的一家四口，所以为了养家及做慈善，要更努力工作：“要努力揾多啲钱啦，因为我都要养爸爸妈妈，又想帮更多人。”

自组工作室 蔡思贝自嘲从零开始学习

蔡思贝早前离巢TVB并成立个人工作室，她形容是由零开始：“我觉得系开拓咗我脑袋一啲从未接触过嘅潜能出嚟，因为我以前对行政嘢、文件、数字好唔得，但而家要被逼自己安排Schedule同打理公司，好似重返幼稚园从零开始学习咁。”

她又透露正忙于在新加坡拍摄一部以黑色幽默为主题的新电影，活动结束后随即又要赶回剧组：“今次都系一个新接触嘅范畴，首先要讲英文对白，仲要拿捏黑色幽默，同埋讲唔同语言时，条脷嘅肌肉记忆都唔同，所以要时间适应同练习。”

撑何雁诗不会“弃养”：佢哋系100%付出嘅父母

另外，提到闺密何雁诗与郑俊弘近期传出婚姻出现问题，蔡思贝表示因为近期不在香港，很少看新闻及玩手机：“我一开工就隔绝咗，真系Focus喺拍戏度，所以冇留意。（会唔会关心下？）大家食饭见面时会倾偈。”

对于何雁诗早前透露送患有罕见遗传病“天使综合症”的儿子郑赞廷（Asher）回加拿大生活，令网民质疑她“弃养儿子”，身为“契妈”的蔡思贝表示：“何雁诗同郑俊弘佢哋最锡、最锡、最锡Asher嘅爸爸妈妈！一定唔会有呢啲情况，佢哋系100%咩都畀晒个仔，以我认知。”提到网民就是质疑若真的疼爱小朋友，更应该留在身边。蔡思贝认为：“咁总有原因嘅，希望大家可以用多啲爱、多啲理解嘅眼光看待呢个世界。佢哋系好锡Asher。”