吕爵安（Edan）、许轶（Day）及黄梓侨（Elvin）昨日出席活动，期间司仪主持揽揽Edan后指他消瘦不少，Edan与阿Day受访时，被问到是否因为正拍扰《悠长假期》，要为角色瘦身，他回应：“前排肥啰可能，呢排都有食少啲，同埋可能比较忙。年纪开始大，新陈代谢开始慢，要更加控制吓。”讲到与李佳芯（Ali）的合作，他说进度良好、顺畅，现时开始拍主景，虽然凌晨拍摄居多，但恰巧更适合自己的生理时钟，至于Ali，Edan说一样很少见到他恰眼瞓，大赞专业、犀利！

早前剧集开镜后，观众都认为二人做访问比预期中有火花，问Edan会否松一口气，他表示：“𠮶啲访问嘅火花占一半，真实嘅再多啲，呢个比想像中更加有默契，佢都系十分玩得、冇架子，好Nice，可以讲笑，令我哋有啲化学作用，希望呢样嘢带到入角色度，令大家睇得开心。”早前Edan贴出一场与Ali弹琴的背影照，他透露拍摄中有时间就会练，但原来对方本身都识弹琴，好像还有五级。问到有冇倾唱歌，他预告：“佢创作首新歌，你下次访问可以问吓佢，佢自己自创，几好听㗎！好特别，真系要听吓。（记者：有冇听佢唱过小幸运）有碌过，冇Save喺playlist日日听，返去恶补下佢嘅歌喉。”

除了拍剧外，镜粉们期待已久的“团con”亦终于有声气，Edan说：“快喇快喇！好快！本月之内公布！12月留晒俾我哋！（记者：圣诞节呢？）留！点都留咗先！”此外，近日有传古天乐将投资开拍《阖家辣》续集作为明年贺岁片，不过Edan坦言：“其实我本人冇听过，亦都冇去求证，因为我一听到就觉得应该唔系真。我唔知，可能换咗人，我唔知，如果要贺岁，我谂都要有剧本、Mark期度期，但系so far冇听过，成日好多嘢传出嚟，我都冇反应。我套剧拍到10月尾到11月，可能要开始准备筹备演唱会，所以等通知。”他指有续集当然开心，是很大的肯定，自己亦希望有机会。讲到之前传闻新戏以打麻将为主题“开正Edan𠮶瓣”，他说：“呢个反而有听过，都有讲过会唔会嚟紧有套咁嘅嘢，但系都系筹备嘅过程，希望未来有机会。”

至于阿Day在访问当日亦出新歌《你离开我的时候 神奇的事发生了》，MV与江𤒹生的《伤心万里通》为上下集、互相扣连，Day透露：“筹备好耐时间，我哋又出咗album，所以而家先出到solo，同埋都同AK一齐拍MV，大家个schedule终于互相就到，今日我出MV。同埋MV仲有另一个好大只嘅男主角，着住贴身背心瞓身演出，所以一定要睇！”访问当晚，答案终于揭晓，原来男主角是ROVER成员亨仔（陈镇亨），她说导演想MV多一个男主角，她便提出这个人选，问到是否自肥，Day笑说：“绝对系啦！”

不过在《伤心万里通》中，AK被Day伤害，她就透露：“系啦！我本身个故事storyline唔系咁样，我本身希望揾佢饰演渣男！但系点知最尾heison导演就改一改个剧本，变咗佢系个纯情男。”最后，讲到早前AK曾回应有关网民不满他找已被陈卓贤Ian“unfriend”的陈考威及潘宇谦（AP）做《伤心万里通》班底，会否影响兄弟情，AK当时霸气回应：“好多好似好在意，好紧张我哋呢段关系嘅人，其实你哋先系唯一破坏呢段关系嘅人，讲完。”不过有粉丝就对AK回应不收货，Edan表示：“都有人觉得我靓仔，有人觉得我样衰啦，人哋点讲控制唔到， AK回应咗就回应咗，佢哋嘅事情我就唔多讲喇。”