以“鬼王”形象深入民心的资深演员雷宇扬于9月7日因胃癌于广州离世，终年62岁，消息震惊娱乐圈。与雷宇扬认识多年、私交甚笃的陈欣健（Philip）今日（19/9）出席公开活动时，接受《香港01》访问大谈好友生前的点滴，并透露雷宇扬临终前的状况及家人的近况。

陈欣健透露，两人相识多年，当年他在新城电台任职时，曾邀请雷宇扬帮手主持节目《香蕉俱乐部》，除了电台合作外，两人在电影方面亦有不少交流，陈欣健更赞赏雷宇扬对电影非常有独到见解：“我好欣赏佢对电影嘅见解，𠮶时佢会定啲好睇嘅电影畀我睇，大家睇完之后会互相交流心得，又会一齐饮吓葡萄酒。就算佢搬咗去广州，我每次上去都会见佢，大家相处得好开心。”

谈及雷宇扬的身体状况，陈欣健坦言对方其实已抗病至少两年：“起码我哋知道嘅都有两年，佢一直都有接受化疗。一开始佢仲可以出嚟，但后来病态可能恶化咗，出嚟嘅次数就减少咗。”但他指出雷宇扬个性非常坚强，从不向朋友诉苦，一直展现正能量：“雷宇扬喺我心目中永远都系一个充满魄力同毅力嘅人，无论讲乜嘢都系眉飞色舞，好动听。佢患病之后一直都好勇敢面对，喺朋友面前唔会提病痛嘅嘢，大家一齐讲笑，过咗好多快乐时光。”

对于雷宇扬突如其来离世，陈欣健深感惋惜，但同时亦替好友不用再受病痛折磨而感到安慰：“今次嚟得好突然，但我唯一觉得安慰嘅系佢唔使拖喺度受苦，或者忍受长时期嘅痛苦，某程度上系一种解脱。”

陈欣健亦有透露自己是如何得知好友离世的噩耗：“其实系佢家人用雷宇扬嘅手机打畀我。因为佢家人喺手机见到我同雷宇扬最后嘅微信通讯，当时我仲约佢得闲一齐食饭，但听得出佢当时状况唔系咁好。家人睇到讯息后打返畀我，我一接电话仲以为系佢，叫咗声‘Hello Simon’，点知传嚟嘅系好沉重、好伤心嘅声音，先知道呢个不幸嘅消息。”

陈欣健表示雷宇扬的后事已经办妥：“上个周末已经办好咗，因为家人想低调，所以我同太太都冇去到仪式。”被问到雷宇扬妻子的情况时，陈欣健坦言对方情绪非常伤心，但展现出无比的坚强：“佢太太好伤心，但佢同我承诺一定会好好照顾同抚养个小朋友长大。作为一个母亲，佢嘅坚强态度令我感到好安慰，呢个亦系对宇扬最好嘅承诺。”

陈欣健透露雷宇扬身后事已办妥。（卢振辉摄）