已故乐坛天后梅艳芳母亲“梅妈”覃美金的后事安排，之前一度闹双胞，好友潘小文指梅妈早已在遗嘱交托由孙儿梅柏麟低调办理，但梅启明却坚称自己是长子，扬言要用150万为梅妈风光大葬，更指不排除打官司抢治丧权。不过，梅妈丧礼最终于昨日（19日）傍晚低调地举行，遗体移送至大围富山火葬场火化，以庄严肃穆的方式走完人生最后一程，而梅启明对此全不知情，有份出席人士包括梅妈几个孙儿、潘小文及部份梅艳芳歌迷。潘小文事后在直播中简短交代丧礼经过，期间讲到见到梅妈孙儿柏麟很生性，更一度哽咽；她亦为梅妈过往被指重男轻女、贪钱等而平反，表示她晚年变得和善、可爱：“我只能咁讲，𠮶个人冇喺佢身边之后，我见到auntie有好大嘅进步！我喺佢身上再见唔到半点怨气。”

遵从梅妈遗愿低调办“毕业礼” 平静地完成仪式

潘小文昨晚（19日）开直播，她原本只对记者说仪式“搞掂晒”，但由于梅妈出殡消息昨日被传媒“通天”，故她亦简单交代：“我嘅好朋友梅妈系喺今日黄昏举行毕业礼，正式嘅毕业礼，都好感恩喺一个好宁静、好安静嘅情况下完成晒，好和平嘅情况下完成晒整个仪式。”她指有关安排在梅妈离世不久已定好，亦非常感恩梅妈能在孙仔、梅姐歌迷陪伴下走完最后一程。

为梅妈平反重男轻女贪钱指控 指“𠮶个人”离开后变和善

之后潘小文为梅妈过往面对的负面评价平反：“可能喺过去嘅时间，好多网民会对Auntie嘅留言好尖酸刻薄，话佢重男轻女、贪钱、有几衰有几衰，我想讲我以前认识嘅auntie，可能系大家口中眼中好势利嘅女人，但系事实上近几年我见到嘅auntie，佢已经脱胎换骨，已经系一个好可爱好慈祥嘅一个长者。我只能咁讲，𠮶个人冇喺佢身边之后，我见到auntie有好大嘅进步！我喺佢身上再见唔到半点怨气，我见到嘅认识嘅覃美金女士，佢好和善呀变得，佢亦都明白咗好多嘢。”而“𠮶个人”当然不难推断，就是被梅妈曾开断绝关系的长子梅启明。

哽咽赞姪仔梅柏麟独力承担 呼吁全港市民保护梅妈孙儿

潘小文再讲到梅妈的孙儿梅柏麟，亦即经常被梅启明公开大骂的姪仔，她哽咽说：“我睇见柏麟真系大个仔，我睇住佢一力承担晒所有嘢，同埋阿妹（梅柏麟妹妹）都真系好争气、好生性，今日所有安排都系佢哋几个去完成去处理，我亦都好感恩今日每一个环节，大家都好配合auntie嘅遗愿，畀佢好静、好安详咁完成毕业礼，我心入面系满满嘅感恩，每一位工作人员嘅协助，我都觉得真系好好嘅安排！”她指从追思会中看到不同照片，都觉得非常感恩，因为孙儿都对梅妈很好：“我自己觉得几个细路都长大咗，对佢哋几个细路嚟讲，佢哋经历嘅风浪真系唔系我哋常人能够理解。”潘小文又呼吁全香港的市民或任何疼锡梅艳芳的朋友们，可以一同帮忙保护几位孙儿：“真系有啲人不停咁俾麻烦佢哋，我觉得呢样系处理唔到控制唔到，但系都希望大家一齐保护佢哋。”

梅妈遗产成关注焦点 潘小文澄清冇遗产：信托基金已完结

最后，另一主持Ben提到遗产也成为外界焦点，潘小文仅表示：“冇呀冇呀，冇家产，梅姐嘅信托基金已经完结咗！”