著名填词人兼演员黎彼得（Peter哥）月前离世，其追思会今日举行，《爱．回家之开心速递》拍档单立文上台致辞，表扬Peter哥对香港乐坛的贡献，直指：“佢将粤语流行歌曲带到一个好高嘅新境界！”、“我私人觉得，香港乐坛系欠Peter哥一个交代！一个好好嘅交代同尊重！”之后他率领《爱回家》的樊亦敏、陈浚霆唱出由Peter哥填词的金曲，其中陈浚霆唱到《Monica》时，更将“Thanks Thanks Thanks Thanks Monica”改成“Thanks Thanks Thanks Thanks Peter哥”，表达对Peter哥的谢意。

单立文致辞时，表示Peter哥为人不拘小节、百无禁忌，故此他亦希望用轻松方式分享对对方的感受，指二人2017年拍《爱回家》认识，赞对方提携后辈、乐观、冇架子：“平时工作上面工时长，或者有啲演出嘅矛盾，有啲制作上嘅配合唔到，佢冇怨言，话‘得得得得得，你话点就点啦。’咁就‘Good’一声吞咗佢继续开工，呢个就系Peter哥嘅演艺生涯。”

之后单立文续说，其实他觉得Peter哥最伟大的，是其填词人岗位：“Peter哥嘅歌词，喺7、80年代，只只都系Hit到爆灯嘅歌！佢嘅词锋好犀利，将香港小市民嘅心态深入浅出，一刀见血， 一秒就攞你命……”他指许冠杰（Sam）与黎彼得一曲一词，配合得天衣无缝，而且种类五花八门，更谓：“佢将粤语流行歌曲带到一个好高嘅新境界！我真系要多谢Peter哥先！”说罢他立即拧转身，向著黎彼得的照片合十及鞠躬。

单立文不讳言，自己是“死Band仔”，以前当然爱听英文流行曲，并没想过粤语流行曲可以如此精彩：“可以同阿Sam唱乜都有，基本上你谂吓Peter哥填词嘅种类，人生百态，社会状况，正面励志，爱情小品，鬼马啜核⋯⋯佢系一个全能嘅填词人！我觉得，我私人觉得，香港乐坛系欠Peter哥一个交代！一个好好嘅交代同尊重嘅！”之后他向Peter哥大力鼓掌，现场人士亦报以掌声。

接著，单立文邀请《爱回家》的樊亦敏、陈浚霆合唱Peter哥填词的歌曲，包括《半斤八両》、《学生哥》等，谈到Peter哥为张国荣填的《Monica》时，单立文爆料指Monica是Peter哥当时最爱的女人，而陈浚霆演绎时，就将歌词“Thanks Thanks Thanks Thanks Monica”改成“Thanks Thanks Thanks Thanks Peter哥”，表达对Peter哥的敬意。