张家辉、蒙嘉慧及钟雪莹（钟雪）昨晚（20日）出席主演电影《我阿爹想旅行》启动礼。张家辉曾多次公开表示欣赏钟雪，今次终于合作演两父女，两人台上互笠高帽。张家辉直言：“感觉好良好、好犀利啊！因为佢都系......好嘅，咁就好啰，好似一家人咁。”对于“爸爸”的高度评价。钟雪谦虚表示：“好啊，好开心啊！因为应该都冇乜人唔钟意家辉哥哥呢个演员，所以好荣幸一齐玩。喺佢身上学到认真，同埋喜欢电影。”

首度合作演父女张家辉赞好犀利　钟雪：冇乜人唔钟意家辉哥哥

受访时，钟雪表示与家辉哥哥合作很开心，当初知道饰演对方女儿，一口答应说好，而为这次拍摄，她们去了很多不同的地方，过程好像去旅行一样。钟雪直言看过不少家辉哥哥以往作品，问最喜欢哪个？她真的认真思考，一旁的张家辉即发挥幽默本色笑言：“‘化骨龙’得架啦。”引得全场大笑。

票房好开金口？

问到若电影票房好有什么回馈观众？蒙嘉慧望住张家辉说：“梗系你唱歌啦！”张家辉即拉对方落水：“票房好，就梗系大家合唱啦！”蒙嘉慧开头说OK的，但想了一想后又说：“唔好迫我唱歌啦，如果我唱歌赚咗好多钱啦，就系唱唔到之嘛。”张家辉笑言：“妳唔系咁自信啊？唱歌赚到咁多钱。”

爆多位演唱会巨头邀请开骚

至于有不少网民敲碗期待张家辉开个唱？张家辉笑言：“呢个问题，好多演唱会巨头都揾过我嘅，不过我都冇乜点睬佢哋。（点解啊？）因为我心情未系好好嘛，心情好嘅时候先啦，内容呢啲嘢你哋问返我经理人。（经理人话OK）佢话有几班喺欧美市场𠮶啲人揾紧，好大型嘅，我话我太大型嘅唔搞，再谂啰。”

6字亲揭左手纹身疑云

最近张家辉接受Do姐郑裕玲访问时，有眼利网民见到张家辉的左手疑纹了身。对此，张家辉受访时没有否定也没有肯定，表示：“𠮶啲系唔系啊？好难讲个㖞。（真系纹‘我爱蔡枫华’啊？）好难讲，呢啲嘢。”

心系契爷胡枫爆大病　张家辉忙完即探望

此外，谈到契爷胡枫（修哥）之前自爆大病过一场，张家辉直言有关心对方，并叹一口气：“唉，好彩佢就叻。𠮶次都严重啊，后来佢叻就无事，大家放心返。（有无去探望契爷？）我啲行程都赶，我今次返嚟出席完呢个活动，又要飞走拍戏，完成手头工作，我会去见佢。”