沈震轩（Sammy）首度挑战独脚戏《我们的青春日志》青春外传剧场《Ko’s Coffee的最后一小时》。首4场演出一致好评，本月加开最后两场。他坦承这个绝对是演员生涯的重要挑战，因全剧只得他一个演员，观众距离十分近，还要边煮、边唱、边演，“独脚戏基本上系冇人救到我，对我嚟讲系好大挑战，同埋个能量好重要，因为真系独脚戏，意思系你一攰冇咗个能量，成个演出就bye bye，能量就系一切，呢个系我最要keep住嘅一样嘢。”

演员生涯极限考验

沈震轩演出《Ko’s Coffee的最后一小时》的心情亦相当复杂，他形容是“又痛苦又好玩又兴奋”，而当中的痛苦就跟他的记性有关，“我系个好得意嘅演员，记嘢几快，但系忘记嘢亦都超级快，所以每次演出前要揾时间温习。呢个剧要一个人背30页纸，平时拍嘢系大概记意思，但系Tom（制作人陈恩硕）啲对白写得好精辟，所以我尽可能都想跟足剧本每一只字去讲，呢个挑战好大。同埋呢个系间餐厅里面做嘅Cabaret，可以同观众有好多互动，自己做嘅时候都好high。”

沉浸式餐饮剧场

延伸自香港首个长寿音乐剧《我们的青春日志》的沉浸式餐饮外传《Ko’s Coffee的最后一小时》，是以香港剧场鲜有的餐厅Cabaret演出，讲尽角色“高立仁”的人生哲学之余，观众还可以一边吃着与剧情环环相扣的菜式，一边欣赏由现场乐手伴奏的17首经典粤语流行曲。沈震轩都非常喜欢有这次经验，更认为观众要珍惜真人演绎的作品，“依家大家睇到真实嘅人愈嚟愈难，可以听到睇到，仲可以食埋嘢，又有Live Band，应该要大力推广多啲呢类演出，可以演出多啲等多啲人去接触到。其实外国有好多呢类表演，香港真系少，‘爆炸戏棚’呢个剧团真系喺度追梦，系一个好创新嘅剧团，不停突破本地剧场嘅可能性！”

呼吁观众调动五官全情投入

Sammy将于9月23日（星期三）在港演出最后一场，他透露导演兼编剧Tom也会现身监场，特别紧张。他提醒有意去支持最后一场的观众要注意，“嚟紧睇呢个剧嘅观众要记住，唔好以为系个好轻松嘅骚，你哋会忙过我，因为要一边食嘢一边又要睇嘢，又要听嘢，如果你好沉浸喺度食紧嘢，就会错过咗我演出同埋剧本里面嘅人生哲学，所以要将五官打开晒嚟睇呢个骚，所以系个好忙嘅骚，不过系观众。”

10月踏足亚洲大型巡演操练极致体能

《Ko’s Coffee的最后一小时》将连同《我们的青春日志》另外两个外传音乐剧：《Nancy恋噏Show》及《仁德风暴》，于10月起到内地及亚洲多个城市举行巡回演出，沈震轩的准备功夫就是先练好体能，因为他除了幕前演出外，最近还要兼顾幕后工作，“准备系我一定要体能要好，因为我自己做紧好多工作，加上我依家做紧幕后工作，对住部电脑做好多制作嘅嘢好攰，我依家仲要兼顾两样嘢，所以要自己体能keep得好啲。”Sammy知道即将举行巡演的场地有酒店宴会厅和大型live house，相信需要更大的能量，但会是有趣的体验，“反而去一个大嘅场演出，观众热情度可能会再大啲，佢哋好钟意睇骚，因为好难得可以见到佢哋钟意嘅艺人，我哋去到可以同佢哋多啲互动。”