《东张西望》昨晚（22日）一集，讲到19岁学生妹，应网友邀请一齐温书，岂料声称帮她补习的对方，竟忽然毛手毛脚，据阿婷形容：“推我落床、伸只手上身入面，仲想除咗我条裤……佢捉住我只手入去摸佢……”之后对方更不准她走：“话唔俾我走，一定要我，譬如话摸一次先俾我走，然之后佢都有夹硬伸入嚟我下面，成件事系觉得好恐怖！”阿婷成功脱险，之后在男友人陪同下找对方对质，色狼阿豪本来并不承认自己有非礼阿婷，但之后终于道歉，并自掴几巴说：“点先可以原谅我？”

网民佯装绅士免费补习 首度登门温书营造良好形象

19岁升中六的阿婷，一直有在社交平台分享生活点滴，一次网友阿豪主动私讯打开话匣子，并相约温习：“佢知我系学生，佢都系学生，佢话自己成绩好好，就话想帮我补习一齐温吓书。我哋都有同一科选修科，然之后第一次见面就去咗公园，最初都好正常咁温吓书，然之后佢就话太热，问可唔可以上嚟我屋企。”第一次上阿婷屋企时都很正常，完全没任何身体接触，令阿婷放下戒心，“营造咗一个好好嘅形象俾我，营造到自己好gentlemen，又帮我攞嘢、请我食嘢。”

频发性暗示讯息称“讲笑” 声言放弃追求令女生放下防备

不过原来这一切只是阿豪以退为进的手段，他不时在文字讯息中有性暗示，例如叫阿婷“BB”、“宝宝”，又她可否著吊带、可否抱抱等，阿婷直言觉得好核突，主持王汛文问她为何在这个情况下仍要赴约，她表示：“佢话自己讲吓笑，唔会强迫我，佢问可唔可以做咩做咩、可唔可以拖手，我话唔得，我见到佢有心问清楚，我亦都拒绝，我以为佢可能想追求我，最初佢又话‘如果你唔想俾我追求就算’，同埋佢话佢会放弃，唔再追我，我就以为可以做返朋友。”

诱上门强推落床摸下体 女事主：话摸一次先俾我走

而之后一次，阿豪甚至再以温书为由，约阿婷上自己家，并伸出狼爪！阿婷忆起可怕经历：“第二次都系上嚟我屋企温书，佢就开始对我摸手摸脚，将我啲书包摆入房，然之后就话叫我入房温书，然之后就对我摸手摸脚，推我落床、伸只手去我上身入面，仲想除咗我条裤，我冇俾佢除，我踢开佢……”不过阿婷就见到阿豪有生理反应，他说：“佢有着衫，见到佢（消音）⋯⋯但系佢捉住我只手入去摸佢，跟住我就缩开咗。”阿婷强调自己当时非常害怕，且亦有反抗、推开对方，但阿豪挡住门不让她逃走：“佢话一定要我，譬如话摸一次先俾我走，然之后佢都有夹硬伸入嚟我下面，成件事系觉得好恐怖！明明话温书，但系无啦啦演变成咁样，话要摸我。”从阿豪家逃出生天之后，阿婷立即封锁对方社交帐号。

恐慌求助友人口窒窒语无伦次 终约上水站对质

阿婷之后找男友人Sky求助，Sky忆述收到好友电话一刻情况：“我哋约咗一齐食饭，佢用劲紧张嘅情绪同我倾偈，佢系口窒窒，讲嘢又断句断得好唔正常，紧张到有啲……反正就系不知所措嘅情绪喺度，讲嘢都语无伦次。跟住我问佢咩事，佢先肯同我讲晒成件事点样发生，我哋谂住叫佢返屋企着返件衫先，但系𠮶时落紧大雨，佢把遮漏咗喺𠮶位男士屋企，当日我哋谂住直接过去上水站，以攞返把遮为名同佢对质。”Sky对于阿婷的遭遇激气又心痛：“担心佢，见住自己好朋友争啲俾人食咗，系人都会担心，同埋嬲。嬲嘅情绪一定会有，想闹佢，觉得佢好傻，咁易就信人。”

被男友人当众怒喝变“死狗” 色狼自掴道歉：点先可以原谅我

Sky与阿婷于上水站截停对方，Sky质问：“你系咪搞人呀！”原本阿豪不断否认，不过Sky未有退缩，继续喝斥：“你系咁想锡人哋块面㖞，推人哋上床㖞，唔系女仔走得快，咪俾你食咗？系咪呀？”阿豪此时终于变“死狗”，不断道歉讲“对唔住”，Sky则说要捉他去报警：“捉你去报警！净系讲对唔住？要唔要同你学校啲人讲？唔使？咁你仲搞佢？”阿豪问“点先可以原谅我？”并多次央求Sky不要报警，之后他更自掴几巴，低声说：“系我错……我唔应该……（Sky：唔应该咩呀？大声啲啦！）我唔应该，我唔应该掂佢。”最终Sky追阿豪追到上火车，并当住乘客把他骂到无地自容：“大家认住佢，推人哋女仔上床！”

警方以证据不足拒受理案件 转报《东张》警惕勿乱上网识人

虽然成功找到阿豪出气，但二人始终未能将阿豪绳之于法，阿婷透露自己在男朋友陪同下去警署备案，但不获受理：“我哋搞咗成个上昼，警方就话就算到时告入咗，可能都系证据不足，因为话个聊天记录，中途大家封锁咗大家，冇足够嘅聊天记录，所以可能胜算唔大。所以我最尾放弃咗，去报《东张》，希望更加多人知道呢件事。”今次事件为19岁的阿婷留下深切教训，她反思后说：“我觉得如果当时我挣扎唔到，冇咁大力嘅话，佢可能真系会强奸埋我，真系会有一世嘅阴影。我觉得真系要带眼识人，同埋唔好喺网上识人，可能都系识返现实嘅朋友好啲。”