张明敏日前举行记者会，宣布将于11月在启德体艺馆举行个人演唱会，相识多年的圈中好友李龙基与杜燕歌亦特别到场支持，并一同受访。杜燕歌跟对方认识50年之久：“我识佢𠮶时18、19岁，计埋时间即系50年，我而家都70啦。（李龙基：你有70喇咩？我以为你49咋。）”问到届时会否登台一展歌喉，李龙基以“港普”打趣道：“因为这个演唱会以普通话为主，我的普通话冇得顶，一唱人都走晒。”而杜燕歌则有可能演唱《一个陌生的女孩》及《一帘幽梦》。

活动上，张明敏称李龙基为“夜店恶霸”，杜燕歌即帮忙解围指对方是“夜店王子”，当年穿梭尖沙咀、湾仔、元朗及旺角，最高纪录一晚唱足八场！李龙基坦言这样令声带操劳，杜燕歌亦有感而发透露自己当年放弃唱歌转做配音的原因：“声带唔可以全部用晒，要留返啲，如果唔系，人系一样，会报废。”至于会否也想在启德开骚，李龙基满怀希望地表示：“呢个梗系梦想，希望啦！希望梦想成真！”杜燕歌亦力撑到底：“有呢个机会我实撑你！”

杜燕歌严重肠胃炎腹泻三周 靠林韦辰介绍中药救返

早前韩马利（Mary姐）爆杜燕歌患上严重肠胃炎，问到健康情况，他透露足足腹泻了三个多星期：“太热又饮冻嘢，变咗肠胃肚疴，屙咗好耐，三个几星期，睇紧三次医生食西药都唔得，后尾林韦辰介绍咗一个香港嘅老牌中药，饮咗几就搞掂晒。”他坦言大病一场后消瘦不少，更一度影响工作：“瘦，气都冇埋，争啲音都配唔到。”他指Mary姐当时都十分担心，问到痊愈后太太会否马上煮大餐，杜燕歌笑说：“梗系要啦，我自己都要补返，佢话整咁多嘢我会肥㗎，我话肥咪好啰，福嚟㗎！又唔系痴肥𠮶只。”

定居中山大赞宜居 杜燕歌靠食脑$9煮出四𩠌一汤

杜燕歌与李龙基近年皆定居中山，更成为了邻居。杜燕歌大赞中山空气好、干净又卫生，十分宜居。早前他在网上分享用极低成本煮饭，记者讲到$10煮四𩠌一汤，他即自豪更正：“我用咗$9咋！$9搞掂四𩠌一汤！佢唔系平，系你要用脑点样分配啲钱，买咩𩠌嚟煮呢个四𩠌一汤，呢样嘢系要用脑，我有做功课。”李龙基大赞杜燕歌是厨艺高手，杜燕歌亦热情邀请对方到家中作客，二人均表示现时状态是“退而不休”，有合适工作就会回港。

李龙基工作中过中秋 杜燕歌将与契女许惠菁过拒回应其婚姻状况

问到中秋节安排，由于中秋及国庆是艺人工作旺季，二人中秋节都会留在香港工作，预计10月头才返回中山聚会。今次是李龙基回复单身后度过的首个中秋节，被问到会否感到孤独，杜燕歌即时代答：“唔会嘅，佢咁多朋友，我哋大家会睇住大家！”另外，“Benz雄”许绍雄离世将近一年，身为契爷的杜燕歌透露中秋期间会邀请其女儿许惠菁到家中作客食饭：“就系其中一日煮饭俾佢囡囡食，喺屋企，家庭宴会。”被问可知许惠菁适应到父亲不在的日子没有，他表示：“应该有啲改善，但系佢始终夜阑人静嘅时候都系挂住爸爸。因为佢都系好长情嘅一个女仔、好重情重义，我呢个女好好，真系好好！”至于传出许惠菁婚姻出现状况，杜燕歌则表示不便代为回应，问到若对方不开心会否找他与韩马利倾诉，他说：“有时间就陪吓佢，倾吓电话，譬如佢做嘢喺北京，都会有联络。”

李龙基坦然面对圈中好友离世 杜燕歌：最紧要活在当下

近月不少圈中人相继离世，李龙基感叹表示自己几年前经朋友介绍认识前辈葛兰，一直非常景仰她：“以前其实我都好钟意佢，尤其是佢啲歌，歌又好，拍戏又好，所以几仰慕佢，后来经过朋友介绍之后，识咗佢，真系一个好……好值得景仰嘅前辈，听到佢走咗，真系……”杜燕歌提及好友黎彼得离世亦难掩落寞，坦言大家多年朋友，勾起不少回忆，心里非常不舍：“每一位演员、艺人走我哋心入面都好唔舒服，唔舍得。”面对人生无常，李龙基坦然面对：“冇计，人始终要行呢条路，第日我哋都会去，睇开啲。”杜燕歌亦点头认同，并为大家送上寄语：“最紧要身体健康，活在当下，开心每一日。”