日前播出第三集《女神配对计划2》后，阮嘉敏（Mandy）成为节目焦点，除泪洒拍摄现场外，更获多位参赛者示爱，认真抢手！

亲力亲为执货惨𠝹伤手

正当观众替Mandy爱情著紧时，她日前在社交网站出帖，记录自己“执货”外，更不慎𠝹伤手指：“因为呢排都要拍节目，所以搞到出货有啲慢，依家节目正式开播都要追翻生意进度，所以返公司执货、准备，都系整亲少少而已。（有冇话比追求者知？）咁小事自己搞得掂啦！”

阮嘉敏自爆生意月营业额六位数

阮嘉敏（Mandy） 除幕前演出外，近年积极进军商界， 推出及研发营养产品，属圈中“小富婆”：“我距离‘富婆’都仲有一大段距离啦，依家生意都算稳定，而公司又比好多节目我拍摄，两边双轨进行！（每个月有七位数收入？）哗！边有啊！每个月大概六位数营业额啦，叫做自己可以养到自己、买到钟意嘅嘢啰。”

豪言爱情面包“两者兼得”

Fans不时在Mandy社交平台追问，节目中她会拣“爱情”定“面包”，Mandy笑言希望“两者兼得”：“小朋友先要选择，我两样都要晒，呢啲叫做‘甜品’！呢几年我都好好彩，除咗幕前演出之外，我嘅生意都养得起我自己，所以我唔需要拣面包，如果一定要我拣嘅话，我应该系会爱情行先，如果我未来男朋友冇钱嘅话，咁我地一齐挨、一齐执货，呢啲都系爱嘅一种。”