阮浩棕今日（23日）到铜锣湾出席无线剧集《死有对证》街头快闪宣传活动。阮浩棕剧透角色后续会有意想不到的事情发生，甚至会黑化，叫大家期待一下。

与吴若希戏内互窒　戏外“废噏”

阮浩棕剧中与吴若希频频互窒，他接受《香港01》访问时，笑言两人私下关系融洽，而且很喜欢“废噏”：“我同佢喺镜头后其实好开心，成日喺度讲废话、吹水，系完全无营养嘅对话。但我最唔明系佢话我把声同胡鸿钧好似，我又觉得唔似。（系咪想赞你把声啱唱歌？）希望公司负责音乐嘅同事畀个机会我啦”。他更透露拍剧期间经常在对方面前唱《越难越爱》。

被问到是否有意向音乐方面发展，阮浩棕表示以前对唱歌兴趣较大，现在纯粹自娱：“以前跟过麦洁文老师学唱歌，而家就以拍剧、做主持为我嘅重心。（点解唔唱多啲？）其实我都买咗器材喺屋企录音，但因为自己要求太高，一直觉得唔满意就算啦，之后就无咗回事。希望将来有机会去登台，或可以唱到剧集插曲。”

剧集零存货陷入“危机感”

《死有对证》是阮浩棕最后一套存货，对于网友指他近期剧集接拍量减少、甚至被安排拍综艺、做主持人，阮浩棕坦言“话冇危机感就假嘅”，但强调公司对自己非常照顾：“都冇得担心嘅。但其实公司一直都有安排不同嘅工作畀我，嚟紧亦有啲慈善骚；而剧集方面系有监制同我沟通过，静待一下啰。我一直都话自己主力系演员方面，但多一条跑道畀大家见到我可以做到主持，亦系一种突破。我希望自己做到阿姐汪明荃𠮶一代嘅前辈咁，做一个全能嘅艺人，成为台柱。”

回应何沛珈被爆“态度极差”指控　赞对方善良直率

另外，旧爱何沛珈近排参加《女神配对计划2》，引起热议，更有疑“内部员工”爆料指“何姑娘”工作态度极差、态度嚣张无礼貌等多宗罪，矛头直指何沛珈。对此，阮浩棕坦言自己有看到该贴文，并在第一时间向对方发讯息关心：“佢覆我都话‘OK嘅’。我觉得所有嘢都系观点与角度，我睇啲内容就觉得系好中性嘅嘢，其实喺工作环境入面，大家沟通上有问题好平常，我哋拍剧都会有啦，例如有时灯光等问题需要NG几次，大家系咪仲可以保持到一个好嘅脾气呢？都未必啦。”

阮浩棕更主动为何沛珈澄清，力撑对方性格：“同埋既然系咁内部嘅问题，对方点解唔当面讲，要咁公开呢？以我认识嘅沛珈，佢同好多人关系都好好，佢系一个非常善良、好直率嘅人。可能有时佢说话太直接、唔识得去包装件事，所以先会令人产生误会。（见到旧爱被攻击有冇好肉赤？）作为一个朋友，我觉得第一时间系关心佢先，但佢向来都好坚强。”

谈二人感情关系：已Move On

谈到不少网民期待他在《女神配对计划2》现身，阮浩棕斩钉截铁说不会了，直言两人关系已经告一段落，目前已经回到朋友位置。“其实我几个月前已经讲过，感情事过咗去就过咗去，大家展望将来。（系咪试过修补唔成功？）又唔好咁讲，大家系好成熟咁处理，了解过后觉得退一步做返朋友系最好嘅选择。”至于看到旧爱节目中与求爱勇者互动，内心有无戚戚然？阮浩棕直言：“我又无，大家其实都已经Move On咗，我唔会有乜特别感觉，纯粹希望佢过得好，喺节目里面揾到一个爱锡佢，佢又觉得适合嘅伴侣。”