关宝慧今日（24日）到钻石山出席ViuTV新剧《地狱大状》的宣传活动，于接受访问时，大谈与男神魏浚笙（Jeffrey）合作饰演母子的感受，更惊爆剧集拍完后曾遭遇严重车祸，经历了多次手术及“打钢板”，现时右手仍留有一条6寸深长疤痕；而讲到好友雷宇扬离世一事时，关宝慧更伤感流泪。

与魏浚笙亲密接触

关宝慧在剧中饰演魏浚笙的妈妈，她坦言到了这个年纪，虽然明白要开始饰演母亲角色，但心里始终有点抗拒，不过一得知“儿子”由魏浚笙饰演后便立马答应！问到两人戏中是否有亲密互动，关宝慧打趣表示：“我做佢阿妈，揽下个仔都应该嘅，希望第日可以做佢御用阿妈。”

记者打趣问为何不极力争取演“姐弟恋”？关宝慧笑称：“咁又核突咗啲。但如果导演唔介意，我都OK㗎下次。”不过，关宝慧直言也曾有点担心魏浚笙的粉丝会不满：“因为有日我拖咗佢好耐！我仲问佢：‘我咁样拖住你，你啲Fans会唔会嬲死，打我㗎？’佢就话：‘唔会㗎，我冇Fans㗎！’我好欣赏佢好Cute，又乖又靓仔，做嘢态度非常好！”

戏如人生惊历严重车祸 手骨折扭曲成“7”

关宝慧又慨叹戏如人生，剧中她经历交通意外，没想到剧集拍摄完成后，她亦遇上严重车祸。关宝慧直言非常离奇，忆述当时自己开车途经东区海底隧道口，因发现遗漏物品而分心，随后突然见到反光板，一扭軚便撞向隧道墙壁，座驾全毁：“好彩我隔篱冇其他车同人，系我自炒，一个人受晒。谂返真系觉得好邪，我有翻睇CCTV，我系正常速度，就系唔知𠮶刻做乜嘢。”

事故导致关宝慧手部严重骨折，情况相当严重：“医生话我断晒骨，一条骨断咗三截，一条骨断咗两截，我入咗一个月医院，做咗几次手术，而家镶咗两块钢板，同埋有十几支螺丝！”她坦言，当时撞完车之后成面血，然后再看到自己的手扭曲成变“7”字，内心非常恐惧。

惊爆逢拍灵异片必遇怪事

关宝慧更爆料指，这并非她第一次遇到这种的巧合：“有次拍一套鬼片，我之前梦见过有个女仔喺间房入面刺杀我，坐喺我肚上面，点知我最后𠮶场戏，就系一模一样，好恐怖。已经第二次经历拍戏嘅情景，同真实嘅情景一样。（今次有冇揾师傅睇下？）我问咗李丞责，佢话我系要做手术同破相，但而家破相就转移咗去手。好彩日常生活冇影响，已恢复九成，亦都冇对开车有阴影。”

提及好友雷宇扬突离世 关宝慧难掩伤痛眼湿湿

此外，谈到多年好友雷宇扬早前突然离世，原本谈笑风生的关宝慧，顿时变得伤感，她表示大家已两年多没见面，但知道对方患病，“两年前我见佢系好返晒，佢返来香港揾我食饭仲好开心。跟住我之前喺马来西亚拍紧戏，就收到通知话佢走咗，真系好突然。我问佢太太，都话佢走得好急，但因为佢太太伤心，我都冇继续问落去。但我同佢太太讲咗，所有后事办妥后通知我，我一定会上去拜佢。”

关宝慧坦言交情极深，雷宇扬视她如妹妹看待：“我哋由90年代《我爱玫瑰园》认识到现在，一直都当我妹妹一样。我试过拍一场戏有火，佢即刻去摄影机隔篱攞住件褛，话‘唔使惊，有咩扑落我度’，佢系现场唯一一个咁做嘅男士啰，佢真系对我好到唔知点形容。”面对好友骤逝，关宝慧更一度感触伤心落泪，“我真系难以理解，点解突然可以无端端消失咗，真系好伤心啰。”