无线长寿处境剧《爱・回家之开心速递》陪伴香港观众多年，惟新一辑《爱・回家之三代同糖》开播后，收视成绩未如理想，引来不少网民讨论。除了有观众指出新班底较多新人、演员组合较为混乱外，亦有声许反映剧集整体的节奏与氛围“似正剧多过似处境剧”，缺乏了过往处境剧应有的轻松温馨及欢乐感。

今日（24/9）剧中演员潘静文（Sherman）出席剧集宣传活动，对于网民关注的收视压力以及“像正剧多过处境剧”的说法，潘静文接受《香港01》访问时表示：“我都有特登去留意自己啲负评嘅，但好彩暂时未睇到。收视方面，其实我哋都有听过，收视又未必完全关我哋事，可能好多因素嘅，例如啲人出街食饭、未放工等等。”

对于有意见指剧情节奏不够欢乐、演员班底太新，她坦言：“我自己拍𠮶阵都拍得好开心呀！我哋现场啲同事氛围都好开心，一放 Lunch 又即刻叫外卖一齐食，放工又会一齐倾偈吹水，可能喺电视呈现方面未完全呈现到𠮶种欢乐，但希望之后嘅日子，等个家庭嘅感情连接再强烈啲，大家就会睇到𠮶份爱。”

提到作为新人参演处境剧，潘静文希望观众能给予一众新人更多时间与空间：“其实我哋个个都有做好多功课同事前准备，希望观众都畀多啲机会我哋呢啲新人。可能第一集未睇到，希望将来第五十集、一百集，大家会睇到我哋嘅进步！同埋我明白网上有唔同声音都系好事，始终人唔系完美，其实有批评先有进步，希望大家俾机会我哋啲新人。”