无线处境剧《爱·回家之开心速递》近日以新篇章《爱·回家之三代同糖》与观众见面，惟播出一段时间后收视告急，今晚（24/9）剧中演员徐荣现身出席剧集的宣传活动，对于收视告急，徐荣接受《香港01》访问时表示：“我觉得处境剧咁长，有上有落嘅收视系正常。一开播我哋接手，好多观众睇咗咁多年，已经有咗情怀喺度。突然间由熊家、单元家庭，转咗去阿车（车婉婉）家，系会有少少反差。人物组合同氛围唔同咗，需要时间慢慢去煲。等观众睇惯咗另一家人的感觉，我觉得会好返。”

对于有指他是次加入剧组是奉命“救亡”，徐荣笑言不敢当，甚至幽默地表示是剧组救了他：“绝对唔系救亡，套戏救紧我呀大佬！讲真，最近工作量系少咗，可以入到处境剧呢棵大树，做返自己好钟意嘅‘三机拍摄’模式，好开心。”他亦补充，自己已近十年没有接触过三机拍摄，加上是次能与一班新演员等合作，火花与以往在“马家”时截然不同，希望观众能继续支持。
而监制罗永贤接受传媒访问，指收视不似预期但数字上未算差，更表示观众年龄层扩阔，大湾区收视仲更加劲过之前，认真犀利！不过AI 布景，就将会搁置，将会全面回归实境。

谈到近年演艺圈工作量减少，徐荣坦言：“又唔系完全冇嘢做，但以前可能两套剧扣住开，而家一套接一套，中间会有空位。而家入咗处境剧，时间充实咗，好似今日开完工就过嚟宣传，个人都定啲！”

除了演艺事业，徐荣亦谈及个人投资的火锅店生意。他坦言大环境不稳定，加上早前连日大雨、天气炎热及暑假等因素影响，生意确实大受打击。为了吸引人流，他正积极想办法“拯救”生意：“而家谂好多优惠，例如搞歌唱比赛、广东歌打卡主题等，希望吸引多啲人流。幸好店舖规模唔大，得十张台，要坐满都唔系太难。而家入埋处境剧，起码有份稳定收入撑住副业。”