三代同糖｜吴若希懒理被批演技浮夸声线嘈吵：冇办法啦大家习惯吓
无线处境剧《爱·回家之三代同糖》播映以来备受关注，惟近期收视出现告急讯号。作为首度在处境剧担正大旗的女主角，吴若希（Jinny）不幸成为网络舆论的集中焦点。大批网民批评其演绎方式过分生硬与浮夸，更有不少声音指她在镜头前的声线过于嘈吵，令观众难以入局。
吴若希今日出席剧集宣传活动。（吴子生摄）
今晚（24/9）吴若希出席剧集宣传活动时接受《香港01》访问，面对近期铺天盖地的负评与收视压力，她大方表示：“我哋嘅收视已经升返咗嘛！所以都稳定返啦。因为我又冇特别担心嘅一向以来，我觉得好多时我哋需要啲时间去Pick up啦，加上个剧情一开始我哋要铺排一啲人物嘅前期，通常啲好嘢都系喺中间，最后就系甜品嘛，所以我哋慢慢步入中间主菜𠮶度。”
面对近期铺天盖地的负评与收视压力，吴若希大方表示：“我哋嘅收视已经升返咗嘛！所以都稳定返啦。”（吴子生摄）
面对网民批评其演绎生硬、声线嘈吵，吴若希笑言无需特意辩解：“我又冇咩特别想平反，每个人都有佢哋嘅意见同建议啦。我觉得都做咗咁多年戏啦，有好嘅Comment、有唔好嘅Comment，都系听啰。可能纯粹系因为讨厌我，所以觉得我个声嘈呢！希望大家都继续睇下我系咪依然咁乞人憎啦！”
面对网民批评其演绎生硬、声线嘈吵，吴若希笑言无需特意辩解：“我觉得都做咗咁多年戏啦，有好嘅Comment、有唔好嘅Comment，都系听啰。可能纯粹系因为讨厌我，所以觉得我个声嘈呢！希望大家都继续睇下我系咪依然咁乞人憎啦！”（吴子生摄）
提到过往态度较为火爆，今次面对负评反而显得特别平静，吴若希即笑指：“啱啱收工过来，个脑未转得切！想同大家讲我啱啱去年年底先拿咗一个亚洲区嘅谐星奖项，我觉得自己喺戏剧呢一方面未有质疑嘅。但系如果大家觉得我声音嘈吵，可能系我个人嘅问题，咁冇办法啦，可能要大家习惯吓或者忍一忍先，过一阵习惯咗会好啲。”
提到过往态度较为火爆，今次面对负评反而显得特别平静，吴若希即笑指：“啱啱收工过来，个脑未转得切！”（吴子生摄）
至于高层珍姐有否特别安抚，吴若希透露团队内部一致保持专业态度：“高层同车婉婉讲，再同我哋讲就系不需要理会太多，最紧要做好自己。其实不单止高层系咁讲，甚至我哋监制、导演都系咁讲，其实好多嘢不需要用言语去表达，反而系做落去，大家用行动来表示。”
至于高层珍姐有否特别安抚，吴若希透露团队内部一致保持专业态度，大家会用行动证明：“高层同车婉婉讲，再同我哋讲就系不需要理会太多，最紧要做好自己。”