两届视后胡定欣近年人生迎来极大转变，去年10月嫁给外科医生陈健华（Akin）后，升呢为医生夫人。日前她作客好姊妹陈敏之的网台节目《Chi Chat》，大方分享升呢做“陈太”的新婚甜蜜日常。谈到由拍拖、结婚到最近以40+之龄推出人生第一首单曲，定欣全程难掩幸福笑容。

敏之收结婚相激动爆喊　定欣迎人生“三个BB”

眼见好姊妹终于觅得真爱，陈敏之在节目中形容定欣近年迎来了“三个BB”：“2024年拍拖， 2025年10月喺新西兰结婚，2026年就出新歌《未知也好》。”敏之更自爆当初收到定欣的结婚相时，激动得当场喊了出来，全因大家一同在TVB成长，最盼望就是见到对方拥有圆满的婚姻。对此，定欣深有感触地表示：“我哋入行咁多年，去到呢个年头，做自己想做嘅嘢系好重要。”

未习惯被叫“陈太”　甜揭婚后同居日常

谈到终于成为“陈太”，定欣脸上挂著灿烂的笑容，笑言对这个新称呼仍在适应中。她分享了一桩早前的屋苑趣事：“前排有一日我哋两个一齐行出去䢂口，去到个平台𠮶度，有几个屋苑嘅人员企咗喺度，佢哋嗌‘陈生陈太’......唔惯啰，因为做嘢都系大家叫我定欣，真系唔系好惯。”

由单身贵族变成人妻，定欣坦言生活上最大的改变是学懂为对方著想：“最大明显系唔可以只系谂自己，以前自己单身自己住，你钟意几点钟瞓就几点钟，张被点冚就点冚。但当你有另一半嘅时候，更加嘅就系我要俾你知道，我而家系俾你一个安心。又或者你同我讲，你要俾我知道你都系想我安心。个安心唔系负面嘅嘢，而系我同你分享。”

为爱克服畏高！15000呎高空跳伞冧夫

爱情的力量果然伟大！一向有畏高兼不懂滑雪的定欣，为了迎合爱挑战的陈医生，竟献出了多个“人生第一次”。她冧爆表示：“因为我本身唔识滑雪，同埋有畏高，因为我识佢先开始同佢滑雪啰！”

最疯狂的是，两人在去年新西兰结婚之旅，更挑战了15,000呎高空跳伞！定欣忆述当时的惊险过程，直言全为一圆老公心愿：“去到高空跳伞，你系好想同佢经历一次，因为我知道佢好想跳。我哋喺瓦纳卡（Wanaka）本来已经订好咗，但天气唔好跳唔到，佢好唔开心。我就feel到佢真系好想试呢一样嘢，咁跟住要去到皇后镇先至可以跳。”

连敏之听罢都忍不住大赞“真系好伟大”！定欣回味高空跳出的一刻，直言是人生最癫的一件事：“我好想同佢做一次呢样嘢，我先跳，录影见到佢望住我飞出去......其实你系冇办法计算到，几秒要开第一个篷，我系觉得，哗！定欣做咗一件咁样嘅事，开心到不得了！因为你唔会成日去做㗎嘛，我觉得做一次，我永远都会记住𠮶次啰。”

拥抱未知推新歌 霸气护夫：佢负责听咋！

定欣的新歌《未知也好》道出了她的人生经历与感悟。对于外界有传是老公打本给她出歌圆梦，定欣说：“唔好讲咁多佢啊，唔系佢负责帮我出唱片，佢负责听咋！”她最后总结夫妻相处之道：“两个一齐唔系要去改变对方，系互相配合，唔系要改变。”