HOY首部处境剧《你的保安 李宝安》近日正如火如荼拍摄中，日前《01娱乐》就去拍摄现场探班，当日正拍摄一场麦沛东、妹头、滨崎真绪及曾睿智的对手戏，戏里戏外麦东是滨崎老师忠实Fans，剧中更有大量“FF”场面，而其中一幕就是他正幻想自己亲吻对方的脚，谁知一开眼出现的却是曾睿智，拍摄时现场工作人员都忍不住大笑！《01娱乐》访问了麦东及妹头，饰演保安“麦峰”的麦东，笑言不敢望滨崎老师，拍摄前一晚更紧张到失眠；而妹头同样是保安，角色叫“毕好彩”，讲到之前造型曝光后，有网民指她的确酷似屋苑楼下的保安姐姐，她笑说连同事都唔认得自己：“平时7楼我哋成日都返嚟，同事都会打招呼，佢哋唔打招呼㖞！望望吓，望多两眼，点解咁嘅？即系唔认得我啰！”她就指要归功于服装部。

妹头保安造型太入型入格　同事擦身而过唔认得

麦东角色叫“麦峰”，被妹头笑他“周围采蜜、钟意靓花”，而妹头就不明白为何明明自己好好彩，却要叫“毕好彩”，“我就都算好彩嘅，入到呢个剧组，但系唔知点解剧组叫我做毕好彩，都唔知入咗嚟系好唔好彩喇。我嘅角色其实啱啱出嚟嘅新一代嘅后生仔返工嘅态度啦……哈哈哈！我就秉持住与时并进嘅，对返工嘅态度，都醒目㗎，话头醒尾。”讲到为何她的保安制服有闪令令装饰，她表示：“喺男人嘅圈子里面返工，女人系有啲特权嘅，做保安都系想住客见到你会开心，接少啲投诉啰。”

提到她的造型被网民指酷似现实生活中住所会见到的保安姐姐，她说：“真系㖞！呢个唔系讲笑！（麦东：我第一日嚟拍，喺呢个有线电视大厦，我喺度见到啲真嘅保安，我以为系真系一齐做戏嘅演员，真系嘅。）所以要赞吓服装部，真系令我哋现实造型都融入咗保安团队⋯平时7楼我哋成日都返嚟，同事都会打招呼，（佢哋最近）唔打招呼㖞！望望吓望多两眼，点解咁嘅？即系唔认得我啰！有啲同事都好好，唔会第一时间就话我转做保安定系点，就话‘咦？做机师㖞你。’都开心嘅。”

麦东尴尬不敢直视滨崎老师　大赞对方不似第一次拍剧

探班当日，麦东与滨崎真绪有大量对手戏，其中一场他更著住滨崎老师的应援服，而妹头就饰演“助攻”麦东的好友：“你知同事之间，见到同事个女神出现咗，我哋喺侧边嘅梗系想推波助澜㗎啦，我都系做呢啲角色去帮佢哋成功认识。”麦东就直言与滨崎老师拍戏完全不敢直视：“我真系有少少唔系好够胆望，我自己尴尬！同埋喺䢂入面，你知䢂入面有几咁窄，又有一啲幻想现实嘅桥段，不过最后我都尽量拍，因为剧情系咁样，但系原来都唔系简单，真系好考演技！”他指得悉滨崎老师第一次拍剧大感惊讶，完全不觉得她是新人：“真系好投入，好放，亦都好俾到啲我哋所谓嘅嘢，系好嘅对手，真系好好！好顺畅呀，成个拍摄。”

妹头大爆见到麦东拍完之后在化妆间沉思、不发一言，令她不禁怀疑究竟麦东经历了什么，麦东就表示：“要回一回气，因为滨崎老师好可爱！好Kawaii，佢把声又好Kawaii，亦都好亲切个感觉，冇乜架子。头先同佢倾偈，我话‘滨崎老师第一次做电视’佢话‘系呀’，我话‘几好㖞’，跟住佢𠮶个样系好cute㗎 ！佢话‘唔系啦！’佢个人系非常好。”

麦东与滨崎拍戏前紧张到失眠　妹头投诉与Jeffrey无缘

麦东直认拍摄完之后对滨崎老师更加分，妹头问他事前有否做了什么准备工夫，他说前一晚拍到凌晨12点多，回家后又睇一次翌日（探班当日）的剧本：“睇完就三点几，落床，瞓唔着㖞，因为我好惊会阻碍到拍摄嘅进度，因为滨崎老师都比较繁忙，可能佢冇乜时间。咁我今日要赶住个schedule，我有少少紧张、有少少压力，跟住搞到4点半先至瞓得着，但我6点又要起身，7点返到嚟，跟住瞓咗个几钟，依家有少少眼瞓。”妹头即笑说：“你今日唔瞓得，今日系你同滨崎老师全日，真系唔好瞓！如果唔系就好嘥！”至于妹头，在戏中原来一样有“艳福”，虽然她再三投诉不能跟魏浚笙Jeffrey同场，但麦东就说她跟Meaning（王耀宏）对手戏多，妹头即谓：“Meaning使横手，佢话唔可以俾彩姐有第二个对象。（记者：Meaning同Jeffrey为咗你争风呷醋？）唔知呀。”

妹头为处女舞台剧开工　麦东想加入《卧底旅行团》

除了忙于剧集拍摄，麦东与妹头各自都要演舞台剧，麦东早前刚完成《你好，打劫！Return》，稍后又有《鬼到尽头》；而妹头亦要10月下旬参演入行以来首套舞台剧《办公室剧后》，此时麦东化身记者访问妹头拍戏跟排舞台剧有何分别，妹头就指拍剧近乎全男班、舞台剧则全女班，有她、刘雅丽、梁嘉琪及“香城一姐”阿霞。问到排戏开心否，妹头：“好好玩，个Space又自己玩，啲人又好friend，一齐庆祝生日，之前邓智坚导演生日，我哋又surprise佢，我好钟意㖞，原来舞台剧好有家庭feel！”

麦东分享经验：“到on完show，我哋成日舞台剧都会讲一句，见你哋仲多过见屋企人。（妹头：会唔会好挂住佢哋？）我依家就少啲 ，我都系之前啱啱完咗《你好，打劫！Return》，都有啲感受讲吓，佢哋好唔舍得，我就冇好唔舍得，我话可能好快又见，喺另一个媒介，下一个舞台剧、电影、电视剧，又见，所以系一个回忆，而好似放咗喺一本纪念册。”妹头大赞他讲得很好，又透露从邓智坚及何爵天两位导演身上都学到很多，以前只去旅行团，现时多了一个新方向；麦东就表示自己反而想拍《卧底旅行团》，建议节目加入他与滨崎老师，妹头问：“到时有冇人理我㗎？（麦东：正哥实理你。）你话呢？（麦东：唔好四个先，我哋三个先，逐啲加落去。）不过就算三个，你同正哥都唔理我㗎！”