钟培生与巨京控股合资开设的卡牌店HKTCG，早前卷入Pokémon卡牌减价战。事缘Pokémon 30周年日版M6A“30th CELEBRATION”推出前炒风炽热，HKTCG于8月底先以1,980元推出卡盒连月饼礼盒套装，其后再以每盒1,800元接受预订。未几，主攻药妆零售的龙丰集团突然加入战团，以较低价格预售卡盒，HKTCG其后将预订价调低至1,380元，龙丰亦继续减价，最终一度以828元接受预订，较HKTCG早期1,800元的预订价低逾一半。

钟培生早前回应减价战时，强调预售市场价格浮动是必然，自己已尽量以最优惠价格，甚至很多同行都找HKTCG攞货，他又曾不点名表示，有原本并非经营日版Pokémon卡牌生意的商户将产品当作宣传开支，“恶意竞争”影响不少行家，又提醒消费者留意价格“不合理地便宜”的货源。此外，龙丰9月16日起已抢先到货，但号称“全球最大集换式卡牌及运动卡中心”的HKTCG 却要10月才可取货，亦引起不少网民争议。今日钟培生在《培生擂台：无敌杯》宣传活动上，就回应是次事件，指HKTCG订购盒数以万计，而且由始至终都是承诺10月出货，冇讲过九月，“我哋最紧要满足而家有嘅客，我而家出俾你都冇问题，100盒、200盒，随时都攞到⋯⋯产品写住10月就10月㗎啦。”又指实际投诉率不足2%，很多网民都是为闹而闹，实际上根本冇订过卡，并指：“好多人唔满意我哋成日都一齐赢。一齐赢，边个输？就系冇支持我哋嘅人会输。”最后，他更透露HKTCG接下来有劲爆大计，继续秉承开店以来的优势。

钟培生知道大家关注M6A系列，表示：“其实我哋都陆续出紧货，亦都系我哋应承咗大家，我哋喺10月内会出晒货，我哋会喺10月内出晒货。”他又透露今次事件投诉率其实不多，原本投诉率为零点几%，近日升至不足2%，自己重视每一位客人，会继续降低投诉率，预告：“我哋有非常多嘅配套，例如我哋同咗最主流嘅鉴定公司， PSA同埋CGC去合作，我哋官方嘅合作，大家可以一路开卡，可以将最靓嘅去鉴定，我哋会将最靓嘅价钱俾返大家。同埋Pokemon三十周年亦都系一个好大量嘅学问，好多人入门嘅门槛都好容易，见到好多人百花齐放，去攞呢一件货，而我哋嘅货量系所有人嘅倍数，最紧要满足而家买咗嘅人嘅货，出返俾佢哋，有一个好开心、开卡嘅体验，我哋成班讲，Play、Trade同Collect，我哋cover晒呢几样嘢。”

问到投诉率是因为出货太慢还是价钱太贵，他回应：“我哋价格有调整过，出面有人平过我哋，香港人会输打赢要，但系大部份我哋嘅客户都唔系咁样，我哋原本嘅价格都系比其他人优惠，本身唔系我哋客户嘅人都嚟买，就觉得好似最平，结果有人平过我哋少许，佢就会好嬲。好似啱啱我老婆好好，送咗两部iPhone俾我，我都系同Apple去订，第一日就订，老婆送我就即刻订，佢都同我讲12月先到货，但系你都会见到先达好快就有一两部，但系𠮶个量唔多，我当300、500盒，一两千盒好未？但系我哋嘅盒数系用万去计。”

记者于是续问，龙丰较早有货，是否由于订货量较少？钟培生解释：“No No，唔讨论任何其他公司，但系我哋呢个货品，由讲嘅时候都系讲话10月出，我哋系冇应承过9月呢一件事，我哋全部都系讲10月，所以我哋10月内就会deliver到呢件事。”他指HKTCG每次都破纪录，支持者众多，又提到他经常强调的“一齐赢”，并说：“每次都有最大嘅Titles，我哋亦都有好多香港城中嘅贵客、外国influencers、全世界都睇到我哋嘅卡舖，我哋啱啱连最大嘅两个拍卖会，都同我哋有partnership嘅合作，会令到好多人唔满意我哋成日都一齐赢。一齐赢，边个输？就系冇支持我哋嘅人会输，今日好多人可以借呢个机会，就话‘有人出货快过你呀！有人平过你！’觉得系对我哋嘅影响，其实佢哋都冇订货，我哋投诉，话我哋改T&C（条款与细则），T&C日日都改紧㗎啦，但系你买𠮶时嘅T&C我哋会fulfill到你，好多人就系Daily咁样讲我哋，出嚟做生意咁多年，我哋讲过嘅嘢一定做得到！ T&C写过嘅嘢全部都会deliver，我哋讲过嘅嘢一定会做到，嚟HKTCG买嘢，保单、保价、如假包换，同埋一定有个量喺度俾你。 ”

至于减价战会否导致两败俱伤，他认为不会，以可口可乐为例，钟培生指大路货品不同店舖都可以入货，但自己有著过人优势，例如是全世界只有187张、拍卖价过百万的卡牌，又有Logan Paul画的比卡超、《符文战场》繁体中文发布会等，“有好多呢啲货喺出面冇，我哋呢度系一个好大嘅优胜。”谈到会否争取尽快出货予已订购之客户，钟培生表示：“我哋最紧要满足而家有嘅客，我而家出俾你都冇问题，100盒、200盒，随时都攞到，但系我哋要成个Experience好，边个先呢？跟先后次序都好，大家攞得返，加上产品写住10月就10月㗎啦。”

面对龙丰追打引起的减价战风波，问到会否有新策略迎战，他说：“一开始，我睇到好多负面嘅新闻，我觉得有心搞𠮶啲人，佢哋系达到宣传目的，都多谢大家关注我咁多年，有钟培生个名嘅，无论好嘅唔好嘅，都无限俾人放大，可能利用呢件事炒作好多新闻，佢哋有佢哋嘅目的同埋佢哋嘅成功，无论系你话炒股票，Apple有个增益又好，大家睇到好多数字，数字冇得呃人。大家背后做过乜嘢，你话好多人投诉，但系啱啱系话唔到两个%系闹我哋，但系问题有好多大部份好多人上网讲，闹完我哋，我哋DM佢问订单，都冇订，全部都系为闹而闹嘅，见到𠮶啲咩HKTCGscam、fxxkyouderek呀、𠮶啲咁样嘅名，净系讲我哋，其实系代表我哋做得好好！”

此外，钟培生预告HKTCG接下来的大计，透露刚从美国纽约回来：“我哋HKTCG cover咗20几种卡牌唔同嘅IP，啱啱我其实就去咗纽约，四日三夜，AJ，啱啱我同用1600万美金买咗张最贵嘅Pokemon卡嘅人去合作佢哋嘅节目，佢哋raise咗个fund，我将佢哋成个团队带嚟香港，做一个好夸张嘅一样嘢！佢未出街我唔透露太多，嚟紧亦都有国际嘅明星，真系国际、过亿followers嘅明星，会出卡，而我亦都系港、澳、台加埋中国大陆、东南亚，exclude韩国嘅代理 ，亦都我哋有纽约最大嘅七间卡舖，有好多合作，我哋亦都促成咗好多嘅trade。”