钟培生今日（27日）开记者会，宣布将于12月19日举行本年度《培生擂台：无敌杯》，形容是香港有史以来最高认受性的拳赛，焦点赛事为“神奇小子”曹星如对战“澳门拳王”蒋立昌。另外三场还有曹Bee对战Jack、兆天对战狂牛，以及“四海”罗祖胜对战泰国拳手Sakda Niamhom，钟培生受访时表示：“超期待，我相信所有拳迷10年前已经等紧呢一场！”讲到过往都曾邀请艺人参与赛事，被问今次会否应网民“召唤”请话题人物李泳汉、梅启明落场，钟培生希望保持赛事专业性，以免太多负能量，指若对方有兴趣、业余水平以及帮自己洗脱负评的决心才再作讨论：“so far我见到都系斋噏攞曝光。”

曹星如与蒋立昌的赛事中，胜者将获得由全球公认的四大职业拳击组织IBF（国际拳击联合会），并会影响二人世界排名，所以备受瞩目，钟培生形容：“系两个undefeated嘅Champion嘅格斗！两位拳手当然想打，立昌之前有一两年系冇打过，所以要再挑战返世界排名先有资格去挑战呢条腰带，立昌赢咗，可以有资格打呢场，其实上年嘅培生擂台，12月底，都已经有call out过，中间倾咗好耐，腰带𠮶面亦都倾咗好耐，终于可以有一场咁精彩嘅比赛，为我哋广东话嘅观众去提供。”

曹星如相隔多年再打比赛

曹星如相隔多年再打比赛，钟培生透露对方最初并不太信任他们，并说：“我哋用咗好多年嘅时间show俾星如睇，我哋嘅拳手其实都系好专业，得到星如同佢经理人相信，俾我哋support菲律宾𠮶场，星如上年都嚟咗睇我哋嘅培生擂台，俾我哋call out，信任咗我哋促成呢一场赛事。”至于之前落败的四海将会再战，钟培生就对他有信心：“佢讲过唔会输第二次，佢讲过今次会操，佢上次嘅失败，佢自己承认晒，我旧年都睇到好嬲，我都同佢讲你唔尊重赛事，你点会赢到？上年完咗之后，四海喺更衣室两三个钟头，到我哋工作人员走晒，佢自己都喺更衣室好唔开心，自己一个反省，我相信失败唔系终点，四海系一个有能力嘅男人，佢可以企得返起身，所以我培生擂台希望可以比呢个舞台佢，at least，唔一定赢，但系俾佢去尝试过，争取返自己喺擂台上面嘅pride。”

钟培生无意邀请李泳汉梅启明

过往几届，钟培生都有邀请不同艺人出战，当中包括是非人物林作、张致恒、周永恒等，他说今年都有邀请艺人的打算，问记者有什么提议。记者于是提到网民集气召唤的李泳豪、李泳汉兄弟对决，以及想睇跟张致恒、周永恒、李泳汉并列“四大废男”的梅启明落场，他叫大家不要讲笑，指今年会是很专业、正面的对决：“大家想睇好专业嘅Energy，负面情绪太多𠮶啲，都唔好摆落去，发泄还发泄，今年尽量希望成件事系professional，开心啲！”

之后他再补充：“任何你啱啱讲，鼎爷个仔，两兄弟、梅启明呢啲，如果佢真系有兴趣打，真系可以provide到一个职业……唔好话职业，业余嘅水平，三个回合2分钟，佢show到自己有呢个决心去打，帮佢自己洗脱whatever网上面负面嘅嘢，而有人肯出嚟打，呢一样嘢公平公正嘅擂台，我哋就会再去讨论，但系so far我见到都系斋噏攞曝光。”

庄雅婷4点起身车钟培生：超感动

最后，讲到钟培生刚从美国纽约回来，会否很挂住太太庄雅婷及女儿，他借机放闪：“呢个真系要show off，我太太系4点起身过嚟车我，我以为司机嚟接我，原来系我太太，朝头早4点就嚟车我，我8点就开会，佢冇瞓觉，过嚟接完我就返咗去瞓觉，今日又返去北京开学，因为佢而家读紧博士，冇得顶！超感动！”至于会否很挂心女儿，他甜笑说：“返屋企第一时间就系陪佢几个钟，都唔知系佢陪我定我陪佢。”此外，太太庄雅婷送他两部新iPhone，钟培生不忍对方太破费，所以弃2TB而选购512GB，又指相信新电话都是主要要记录女儿的生活及成长。问到是否将为女儿举办百日宴，他仅表示：“如果有嘅都系好低调。”