MIRROR宣布将于12月于亚洲博览馆Arena举行《MIRROR 12 AS 1 LIVE 2026》演唱会，暂定12月11-13、15-18日和20日合共8场，今日（28日）全员出席记者会，虽然是闲日，但仍吸引过千粉丝逼爆商场支持！12子分成四批进场，并轮流分享成军8年间最难忘的时刻，以及率先剧透演唱会内容，同时预告将推出8周年Photo Book，内有大量即影即有相片。

首设M字舞台与AI手灯　AK许愿加场开到年廿八

先发言的杨乐文（Lokman）叫大家届时当去Party，享受“咚嗞咚嗞”的欢乐晚上，王智德（Alton）亦呼吁Fans带著缤纷心情入场。而邱士缙（Stanley）更预告演唱会首设代表MIRROR的“M”字舞台，可以多角度接触粉丝们，陈卓贤（Ian）则补充指，舞台设计会为fans们带来沉浸式体验。姜涛透露今次会有很多从未出现过的小组，吕爵安（Edan）之后大爆，小组之间会交换歌唱，当中柳应廷（Jer）更自荐跳唱！李骏杰（Jeremy）希望今次会有Vocal line，Jer及邱傲然（Tiger）分别表示，演唱会将特设MIRO专场及AI手灯；陈瑞辉（Frankie）公布演唱会班底，有合作无间的演唱会总监庄少荣、音乐总监徐浩及舞蹈总监PangPang。讲到演唱会在12月举行，目标是否想加场至圣诞及除夕档期，江𤒹生（AK）许愿：“我就贪心啲，我哋12月开show，应该aim for嘅节日就系农历新年！开到年廿八，我愿望系咁样嘅。”最后，卢瀚霆（Anson Lo）说，今次演唱会都如上次一样，每晚有彩蛋环节，究竟是solo还是小组形式，就要大家入场揭晓！

演唱会全小组表演+沉浸式舞台　未有多想突破上次16场

MIRROR之后全员受访，Lokman再透露：“今次演唱会最大嘅惊喜，就系我哋唔会有个人嘅表演，全部都系小组出现，同埋系一啲可能你唔会估到𠮶个小组会唱嘅歌。今次舞台设计都系好特别，前排观众可以以一个沉浸式嘅体验，身处其中再唔止，观众席同舞台，我哋系将你沉浸式，觉得自己好似喺个舞台咁样。”AK补充：“我哋今次个台前面睇系个M字，侧边睇可能系W，另一边睇有可能系个3字，所以点睇都得！”MIRROR指演唱会主题是Party，届时气氛会很高涨，所以希望大家企起身一齐玩。上次演唱会开了16场，今次暂定8场，目前尾场为12月20日，MIRROR不刻意强求场数上要突破，直言“最紧要个内容，突破自己紧要过个场次”，但AK确实私心希望圣诞、除夕甚至新年都开骚：“而家暂时见到开到20号，最近嘅日子就系圣诞节，我觉得Hit到呢个日子系唔难嘅，但系我哋有啲目标，希望可以Hit到年廿八，咁就好。”

Jer自荐做跳舞担当　Jeremy、Tiger被要求重现MV亲密互动

Jer在台上被爆自荐做跳舞担当，他笑言：“有啲item同有啲歌想玩呀，因为见到佢哋咁有型吖嘛，都唔系好多嘅，有部份啰。（记者：会跳Fing小组啲歌？）佢哋啲歌咁有型，可以考虑吓，我系一个小组形式，唔系我自己一个人喺度跳唱。”至于Jeremy想做的Vocal Line、Vocal team，他希望能营造出音乐感满满的项目，透露已锁定叫Stanley、Tiger一齐玩：“有咩人大家入场睇就知，呢个都系我哋小组大家想做嘅嘢嚟嘅，希望到时候大家唔好耳朵……流产啦，希望唔会啦，但系我相信我哋会做得好嘅。”早前Tiger为Jeremy《I Played Me Like A Fool》MV执导兼演出，二人有亲密咬苹果互动，问到演唱会上会否重现，Stanley口痕说：“有苹果就掟过嚟。”谁知现场有记者的确掏出数个苹果，Jeremy笑场：“乜嘢啊！我大你唔到！好劲呀，你好有准备，黐线！我哋可以两个人私底下挑战一齐食苹果。”而Stanley就笑言：“帮你拍个MV搞咁多嘢嘅！咁多售后服务。”最后二人未有重现这一幕，轮到AK即场食苹果。

Anson Lo《金秘书》煞科宴　爆娟姐饭局High到爆

而Anson Lo早前忙于拍摄《金秘书为何那样》，他说明天即将煞科，亦已提前食煞科饭：“约咗金秘书我哋唔齐脚嘅，因为有其他演员都系要做嘢，所以迟啲再约，再约多次，希望齐人啲。寻日纯粹系煞科，因为大部份人都煞咗科，就比较上易约啲，所以就约到一个大家chill吓、食吓嘢、打吓边炉。”他指大家一齐饮清酒，笑言同场有个别女生比较“唔饮得”，虽然不开名，但就一定不会是娟姐：“娟姐就high到爆，as always。我觉得我都系酒筲箕，Sake都偏向唔系好劲嘅，可能𠮶一只，唔系话好浓、好烈，所以都OK， 10几%㗎咋𠮶只，所以OK。”