MIRROR宣布将于12月于亚洲博览馆Arena举行8场《MIRROR 12 AS 1 LIVE 2026》演唱会，昨日（28日）举行记者会，除了预告演唱会内容外，受访时讲到吕爵安（Edan）近日参与JFFT米爷及黄淑蔓《旋转木马》MV，被形容为“世纪大和解”，他透露事前有通知当日曾好心帮口留言予JFFT的姜涛，对方成熟回应：“得㗎喇，明㗎喇，大家明㗎啦，成年人，都知道。”此外，对于近日与好友蔡俊彦一唱一和回应Haters言论，他笑说：“玩吓啰，当佢哋公仔咁玩吓啰，娱乐吓啰。”

接受黄淑蔓邀请前曾挣扎　Edan：想释出善意打破一啲嘢

Edan早前以白马王子造型惊喜参与黄淑蔓、JFFT米爷的《旋转木马》MV，被形容为“世纪大和解”，他曾于Call in表示接受邀请前有挣扎过，访问中透露更多细节：“最初黄淑蔓揾我，话帮手拍MV，本身叫我一齐扮女仔，可能因为佢之前睇过我MV，我同个妹𠮶个，就觉得我好有potential成为其中一员，但𠮶时我就觉得好似唔系咁好，各种因素，我觉得咁样未必好，定系我问一问公司或者谂吓有冇其他方式，可能客串吓定系点，成事机会会高少少。所以都来回咗好耐、考虑咗好耐，的确佢哋都好有诚意，后尾我都谂，当然双方嘅受众会有唔同意见，咁如果我去选择释出善意，踏出呢一步，会唔会有可能改善一啲嘢或者解决一啲嘢？我觉得每一个群体都好，一定有唔同嘅人喺入面，唔同价值观、唔同谂法、有唔同嘅处事态度，大家唔好觉得我做呢件事就可以消除晒所有嘢，就可以大家世界和平，冇可能，唔会咁天真，亦都反而可能大家谂一谂，就系未必系人哋冚你一巴，你就一定要冚返人哋一巴，呢个系恶性循环、无限轮回，甚至我哋围内fans都系，所以可能有啲时候我哋学嘅嘢，可能睇嘢睇阔少少，唔好将单一嘅嘢不断Loop呢个轮回，负面嘅嘢。”

与JFFT合作前通知姜涛获成熟回应　暂未打算现身该台

对于出来后的反应是否如当初所料，Edan就表示有跟当初曾为他出头而留言话JFFT“冇品”的姜涛商量过：“我觉得都大致预估到，有唔同嘅声音出现，我都有同阿姜讲，做咗呢件事，我都话知道可能有啲事情、有啲声音，阿姜都好好，佢话‘得㗎喇，明㗎喇，大家明㗎啦，成年人，都知道。’所以我觉得都唔系啲咩好大件事，只不过我觉得大家喺香港而家做紧呢样嘢，好多时香港嘅嘢都唔系好多人继续留意，无论演唱会又好、电影又好、影视作品又好，我觉得冇需要喺一个圈大家不断喺度争执、负面，其实唔系净系针对我同JFFT，系成个圈嘅一件事。”讲到在他加持下，MV很快突破100万观看，他就说：“唔好咁讲唔好咁讲，我知当然呢首歌呢个作品有好好嘅成绩。”但对于会否上JFFT节目，他就指“再算”。

谈与蔡俊彦一唱一和应对Haters：当佢哋公仔咁玩吓啰

早前有Haters发文批评“世一剑手”蔡俊彦样貌全死角、不靠Edan根本冇人识等等，但二人一唱一和应对Haters，被网民激赞。他笑言：“玩吓啰，当佢哋公仔咁玩吓啰，娱乐吓啰。其实佢做开呢啲嘢先嘅，咁我咪配合吓，大家笑吓，当笑话。”谈到蔡俊彦对自己在亚运的表现有点失望，会否问候或安慰对方，Edan说：“我采取嘅方式就系尽量唔打扰佢，因为佢真系好认真、好尽力地去准备紧，同埋我觉得运动员嘅状态等等，好多因素，所以都好叻㗎喇，银牌都好叻㗎喇！”