MIRROR宣布将于12月于亚洲博览馆Arena举行8场《MIRROR 12 AS 1 LIVE 2026》演唱会，今日（28日）举行记者会，三位成员王智德（Alton）、陈卓贤（Ian）及姜涛近日都先后从外地返港，期间分享在外地工作的轶事。姜涛对于在日本被称作“香港目黑莲”就谦称：“我唔系同一个水准嘅Level，我同佢争太远，佢靓仔咁多。”谈到近日与冯德伦拍广告，“自抽”堕海事件，他轻松表示：“咁啱写嘅都系我想讲。”

Alton、Ian近日都刚从澳大利亚回港，Alton与梁彦宗正拍摄节目，他透露：“我未拍完㗎，我系特登飞返嚟见大家！几时会再出发？very soon！今次个节目托赖上年个口碑唔错，有赖大家好关心，之后就衍生咗今次呢个情况，同埋都会有第三个主持，我都知道大家会问，我只能够讲，呢个神秘面纱又系会有机会揭俾大家嘅，但系肯定呢个主持系大家都见惯见熟，系熟悉嘅。”记者叫他剧透，表示大概知道是谁，Alton就回复：“你知咁多嘢，你自己访问自己呀嘛！”之后他透露之前考的潜水牌，会在本辑节目中学以致用。至于Ian则在当地过中秋，出席《TOGETHER ONE MOON 月友会》，他指与fans过中秋很难忘、很开心，“去到边度都好，我哋互相陪伴𠮶一种感觉系好中秋。”

姜涛则刚从日本回港，他透露此行是学习不同地方的文化，不论是跳舞文化或歌唱技巧都有学，亦顺便录歌、写歌。提到被网民捕获合照时，称呼他作“香港目黑莲”，姜涛笑说：“哈哈，多谢佢多谢佢，下次就唔好！我觉得呢个Term对我嚟讲有好有唔好，多谢佢咁样睇我，但系我亦都知道，我唔系同一个水准嘅Level，我同佢争太远，佢靓仔咁多。”他近日开设了新IG，并说：“新开𠮶个IG系一个记录低我嚟紧呢一段时间，唔出歌嘅呢一段时间，做咗啲乜嘢，嚟紧亦都会会去唔同嘅地方制作返自己嘅歌，透露得咁多咋。”

此外，姜涛近日与冯德伦拍摄广告，一边站在“香港顶楼”自抽“香港顶流”称号，另一边则自嘲堕海事件，他说：“收到剧本嘅时候都觉得几得意，都好符合我成日都自己自嘲嘅𠮶个感觉，所以大家睇得开心。（记者：对白你有冇份谂？）咁啱写嘅都系我想讲，希望下次捞我上嚟嘅时候⋯⋯拍呢个广告嘅时候，张相就靓仔啲。”