魏浚笙（Jeffrey）及Tyson Yoshi今日一同出席服装品牌活动，谈及二人近日成为半山邻居，Tyson指事前冇收到通知，又说：“撞得有啲太多，有啲困扰！”他更大爆管理处安排相邻车位，令他日日都要提Jeffrey：“你泊车小心啲，唔好揩到我架嘢唔该！”之后他越泊越埋，考验Jeffrey泊车技术，又转车令Jeffrey要扭足十几手軚。另外，二人也会一同去会所焗桑拿，至于是否已肉帛相见睇过对方全相，Tyson说有包毛巾，问到毛巾会包哪里，他笑言：“梗系包个头啦！你想问边个头吖嘛？两个头都包！”

Tyson被安排Jeffrey隔篱车位嗌崩溃：每日叫佢泊车小心啲

访问开初，Tyson透露自己是透过共同朋友才得知Jeffrey成为自己邻居，并大爆：“最癫嘅系咩呢？我怀疑管理处思疑我哋好friend，就觉得我哋咁friend应该冇问题，就安排咗佢车位喺我隔篱，我崩溃！我系每一日都话，‘你泊车小心啲，唔好揩到我架嘢唔该！’因为friend呀嘛，friend我咪直接讲啰，佢话得啦，我手车咁劲！”他赞Jeffrey手车有进步，但自己都有每一日开车前都会检查及影相，“有啲咩事上嚟就可以claim，唔系口同鼻拗。”

Tyson越泊越赶考验Jeffrey技术　被爆又换新车

问到Jeffrey泊车会否特别小心，他激动说：“梗系有啦！”之后爆Tyson Yoshi又换车：“佢呀，本身架车细细地，忽然揸架长车入嚟，我扭咗十几手先泊到，我心谂前面又嘟后面又嘟，真系劲惊！跟住忍唔住话，‘喂师兄，你不如转返架车。’”Tyson笑言自己还刻意把车越泊越埋考验对方：“我心谂，死仔手车劲咗㖞，我每一日都越嚟越右、越嚟越右，有一日我老婆话，‘你咁样得唔得㗎 ？Jeffrey点上车呀？’我话佢自己谂啦！我系贴嘅，但系佢都上到嘅。”Jeffrey都留意到，还觉得是Tyson泊车“屎咗”，之后Tyson说：“但系我自己落车𠮶边就好宽敞，打开，唔使hold道门，行出去，好舒服。”对于被Jeffrey爆他又换车，Tyson霸气回应：“有咩问题呀？我换极都唔够你一架！我七架先等于佢一架！”

会所焗桑拿双龙出海　Tyson称有包毛巾：两个头都包

二人虽然住得近，不过甚少去对方家作客，反而去会所焗桑拿居多，Tyson：“冇人用嘅，得我哋两个打大赤肋倾偈。（记者：全相都睇过？）我哋会包住条毛巾。（记者：毛巾包边度？）梗系包个头啦！你想问边个头吖嘛？两个头都包！”Jeffrey则说：“佢好英伟㗎佢！我哋双龙出海，温馨嘅！”他们又表示有时在停车场撞到，一倾又倾个几两小时，不舍得回家，话题主要都围绕车，Tyson：“都会讲吓大家架车㗎，呢度可以点整，我又踎低睇吓啰。”不过他就强调并不会因为Jeffrey而更想回家，反指：“冇！0！”

被问健身室偷拍新闻　Tyson以张继聪Hang机模式叫Jeffrey顶住先

讲到会否合作出歌，Tyson坦言，自己都减慢又做歌步伐，想多感受生活和休息，又直认之前有段时间不太开心，想过“唔捞”：“屋企有啲事，谂住唔捞，点知唔捞嘅呢个念头又俾我写咗一首歌，即系个天都系要我捞啰，咁咪捞啰，但系捞嘅方式、节奏，可以调整吓，所以呢排好钟意去跑步。”他接下来会跑10K，将来希望挑战半马。最后，讲到近日有健身中心被装偷拍镜头，问两位去做Gym会否担心或份外留神，Tyson由于有代言人合约在身，不便回应，更化身张继聪“Hang机”离线并叫Jeffrey：“你顶住先，我Offline！”而Jeffrey就说：“点样保护自己，大只啲啦。咁呢个梗系唔好嘅风气，冇呀，自己入厕格啰。”