洪卓立（Ken）昨晚（2/10）出席《中华人民共和国成立77周年文艺晚会》。对于早前有指声带纤维化，严重影响唱歌，谈及目前的康复进度，洪卓立接受《香港01》访问时表示已改善不少：“一路都好紧嘅，咁都……托赖啦，即系有一个唱歌老师，佢非常好咁帮我去练习。基本上我唔敢讲话好返晒，咁但系同医生讲嘅有啲唔同啰。医生话‘阿Ken你都应该永久性受损㗎喇，永久性好唔返㗎喇’，咁但系我又觉得都有七八成啰，我唔敢讲同以前一样，但系都去到七八成。”

洪卓立声带纤维化拒再覆诊　医生断言永久难愈

对于医生早已断言声带无法完全康复，被问到是否有寻求其他名医的意见时，洪卓立竟然大爆自己早已“放弃治疗”，没有再前往覆诊：“两年前𠮶个医生我冇返去睇啰！因为好似𠮶个方向唔啱嘅时候，就试第二个方向啰。即系开头老师教我𠮶时，我都觉得‘我系咪俾人呃？’佢都系咁不断叫我喊（呐喊）呀，我烂声㗎㖞，都仲系咁喊？咁但系喊吓喊吓又喊返啲声返嚟！咁所以如果呢个方法系啱嘅话，咁就向住呢个方向行啰。”

洪卓立熬夜工作累积长期声带暗病　巡演降Key坦然面对

提到当初声带受损的原因，洪卓立坦言是多种生活习惯与工作压力累积而成：“追溯到疫情前，拍戏、拍剧，咁跟住可能挨夜呀、可能瞓得唔好呀，有好多的原因导致到，小弟又唔系好钟意瞓觉啦，加上有好多因素令到声带有问题啰。”

面对声带状况，洪卓立表示自己已经调整好心态：“本来有唔开心嘅，现在都过了，现在接受咗，咁都尽量喺能力范围内做到最好啰，即系譬如我啲巡演都唔会去避开一啲好难唱嘅歌。因为始终年少轻狂，将啲歌啲Key设到好高，咁现在都需要降Key嘅，但系我又唔觉得降Key系唔好听，反而现在呢把声，或者呢个胶原蛋白已经走晒嘅年龄，再唱返以前嘅歌，我觉得有另一种味道。”

至于未来的音乐路线，洪卓立希望能推出更多有意义的作品：“路线我唔敢讲，但我希望做嘅歌多数系有用嘅啰。以前比较情情嗒嗒嘅，咁现在就希望可以帮到大家一啲嘢啰，可能放低一啲嘢又好，抒发又好，提醒大家可能珍惜又好，有用嘅歌啰。”