戴祖仪（Joey）昨晚（2/10）获邀出席《中华人民共和国成立77周年文艺晚会》并担任表演嘉宾。她在后台接受《香港01》访问，坦言刚完成演出后心情非常轻松，但回想登上大舞台时依然感到无比紧张：“好紧张啊，因为喺咁多观众面前献唱，同埋今日我Daddy同妈妈都有嚟睇，所以真系好紧张！”

戴祖仪为新剧染粉发连漂4次　自爆发质受损狂断

戴祖仪以一头抢眼的粉红色发型亮相，被问到是否特意为国庆晚会而染，她笑著澄清：“其实系因为剧集拍完，就染咗呢个粉红色，已经由7月底到而家啰！你哋冇见我两个月啦！不过个剧拍完已经煞科。”

提到如何维持鲜艳发色，她表示虽然只补漂了一次，但发质确实大受影响：“大家都觉得好神奇，以为我Keep唔到，其实用有色洗头水就搞得掂。不过我啲头发大块大块咁断，依家好流行啲外毛，我依家有大块外毛喺度！因为𠮶时要漂返黑发嘅颜色，啲接驳位等于漂咗四次，所以断咗好多，好彩我本身头发多先顶得住！”

剧组突放假“快闪韩国”3日　戴祖仪清晨返港无缝接轨开剧

早前戴祖仪在社交平台分享去韩国旅行的靓相，她透露今次行程极度紧凑，完全是“快闪”性质：“因为咁啱𠮶几日工作Cancel咗，喺拍剧中途有3日时间，我即刻把握机会同朋友去韩国Shopping同食嘢！18号夜晚11点收工，𠮶晚搭凌晨1点几机过去，玩到21号夜晚过埋凌晨，即系22号凌晨2点几机，返到嚟5点，返到屋企10点、11点又再开剧！喺飞机上完全系‘昏迷’，但我觉得好充实，因为平时拍剧都习惯咗日夜颠倒，战斗力好强！”

戴祖仪幽默辟谣韩国微调　力撑游嘉欣纯天然靠健身变靓

对于外界猜测她趁韩国之旅顺道进行医美微调，戴祖仪极力否认，并笑言：“大家都话我最近靓咗，其实系因为我瘦咗好多！得3日时间，做医美返到嚟都未康复啦！如果我真系要去做医美，我只会选择去削骨，因为你哋成日话我面圆，但我又冇呢个勇气，所以都唔会去。”

被问到有否顺道向好友游嘉欣请教瘦身或整容心得时，戴祖仪随即为好友澄清，大赞对方是靠努力运动变靓：“最近未见到佢，佢瘦咗好多，我都想问佢点做运动减到咁瘦！佢好勤力做运动㗎，我哋𠮶时拍内地旅游节目，佢休息时间都会去酒店Gym房做运动。佢个样根本冇分别，真系瘦咗好多、好尖，所以我唔相信佢整容！”