港姐邓凯文（Eris）、王汛文（Candice）及甘咏宁（Phoebe）昨日（3日）齐齐以纯白气质装扮现身学校活动，并接受《香港01》访问，三位靓女在镜头前展现十足默契，全程笑声不断，不过席间她们竟然公然开玩笑互窒“扮不和”，尽显幽默一面。

邓凯文、王汛文Live唱歌劲紧张

提到早前在活动上首度挑战现场献唱，本是“魔音”的邓凯文与王汛文直言心情非常紧张。Eris笑言：“我觉得劲开心，因为同‘闵大人’谢东闵一齐唱，佢系带住我。因为都有啲担心我少少魔音，我哋就去咗练习嘅真系，我哋差唔多都练咗两个钟，佢就陪我一齐练，亦都有教下我点样唱歌。咁所以我就觉得好安心，同埋好安全嘅感觉有闵大人喺度，成程都望住佢，我觉得哗！我觉得自己真系有啲歌手嘅感觉啊。”

Candice亦补充指，今次表演不太紧张，皆因之前训练有素：“我觉得唔系好紧张，可能魔音嘅𠮶阵训练有素啦，又要喺台度唱歌咁样，咁所以而家呢都冇咁紧张。我都有个位有啲紧张，就系我自己决定咗落台𠮶下，就有啲distract咗，有啲紧张啦。因为以前我会完全唔够胆，但而家我会踏出呢一步。”再加上幸好现场观众反应热烈，给予她很大鼓励，总算顺利完成任务，放下心头大石。

对于自己有什么可以改善的地方，Eris就指：“我觉得系开头第一句嘅时候呢，我入得唔系太好，即系𠮶句气出唔到嚟，唔知点解可能有少少好细声入唔到咪，咁我觉得呢一方面系需要去改善一下嘅。”Candice则指：“我就觉得我要识得可以分心，譬如话如果我想同观众互动嘅话，我都要学识去Control到我自己啦，唔可以畀佢distract咗就搞到失准。”

甘咏宁自觉做主持进步大 学识执生

至于近期多在主持方面发展的甘咏宁，被问到对自己近期表现的评价时，她谦虚表示觉得自己确实有明显进步：“多咗呢个机会啦，其实系我觉得每一个场景同每一位唔同嘅司仪呢，睇到佢哋嘅手法或者佢哋嘅方法唔同嘅时候，系好开心。𠮶个气氛好欢乐之余，都睇到好多，原来可以有唔同嘅style，学多好多嘢。”Phoebe特别感谢前辈们的教导与包容，让她有空间成长，她期望未来可以挑战更多不同类型的节目，让观众看到她多才多艺的一面。

Eris大爆不和？

访问期间，三人不时互相交头接耳，互动频繁。当Phoebe提到要向Eris学习时，Eris却突然“变脸”交戏。Eris打趣道：“其实你唔好以为我依家喺镜头面前就冇不和。”不过其实她只是说笑，语毕三人即刻忍不住对著镜头爆笑。