“陈庭欣绯闻男友”谢东闵昨日（3日）现身学校活动，他与邓凯文合唱《相爱很难》，令现场气氛相当炽热。谢东闵接受《香港01》访问时谈及现场唱歌表现，更笑谈与“超级魔音”邓凯文合唱的感觉。

谢东闵幽默“反讽”邓凯文唱功

谢东闵对邓凯文的唱功大加“赞赏”，提及与她的合唱，谢东闵更即时发挥幽默本色：“佢哋犀利啦佢哋，佢唱得咁好，佢唱得好过我添啦，唔够佢嚟啦。（有冇觉得佢真系魔音先？）佢唔系，佢冇得救㗎啦！”谢东闵还笑称：“能够有咁嘅机会同佢一齐同台合唱，简直系我荣幸啊！（会唔会想下次？）绝对需要下次啦！直头同佢开个演唱会添啊！‘首个告别乐坛演唱会’啊！”

谢东闵表示其实邓凯文之前已经到他的音乐中心学过唱歌：“大家夹过几次嘅，咁我觉得你合唱嚟讲你都要练嘅，如果你唔练就好难合唱嘅。”而谈到另一位艺人王汛文（Candice），谢东闵表示虽然尚未正式合唱过，但亦大赞她的表现：“佢唱得好好啊佢啲音准拍子，依家TVB𠮶啲艺人呢，全部都系好全能㗎，自从我走咗离开TVB之后呢，𠮶啲艺人好犀利嘅。”