MIRROR今日（4日）举行团综《MIRROR ACE》记者会，除了队长杨乐文（Lokman）及王智德（Alton）外，其余10位成员皆有出席，同场还有有份参与节目的世一“四眼Cue后”吴安仪，活动于观塘一个新商场举行，三层全被粉丝逼满。讲到与12子较量桌球后的感觉，吴安仪说：“其实𠮶日个个都发挥得好好，如果我真系要拣个Ace，我会拣Anson Lo，原来佢先系秘密武器！”Anson Lo就说自己靠运气，当队友AK指他是“桌球黑带”，他笑言：“红带啫！”然后10位又互选心目中的“古惑ACE”和“好胜ACE”，结果Edan（吕爵安）及姜涛分别高票当选，Edan被Jer大爆输了都要搞事扰敌，所以输了都有钱攞；而“好胜ACE”姜涛直认为钱而搏到尽，Stanley指：“贫富悬殊就系咁产生，越有钱嘅人就越想要多啲钱。”姜涛之后更自爆：“节目组争我哋1000蚊奖金，我追咗佢三日。”

Jer打边炉获队友封为“Vivienne”　口里说不但点超多𩠌

至于Ian（陈卓贤）及Edan（吕爵安）就平均当选“策略ACE”，讲到“口里说不，身体却很诚实ACE”，站在最远位置的队友们都要特地走过去投阿Jer（柳应廷）一票，然后Edan（吕爵安）、邱士缙（Stanley）大爆他是“Vivienne”（《老表你好Hea!》中细细粒饰演角色），二人一唱一和：“话说有日宵夜，我哋话不如一齐打边炉，咁难得大家可以一齐食嘢，佢话‘唔好啦，好攰呀……我唔食呀，要减肥呀，好饱呀，返屋企喇！唔喇唔喇！’”不过经Edan、Stanley及Anson Lo（卢瀚霆）“PUA”下，他就乖乖就范，之后Edan再爆料：“我哋就PUA佢啦，成功去咗啦，开始点餐喇，佢就‘午餐肉吖、虾饼吖、黑毛猪吖、肥牛吖……’系咁点！本身话唔使点，最尾佢食最多！我哋就形容佢系Vivienne喇，‘要唔要响铃？要！梗系要啦！’”之后阿Jer亦放弃挣扎，表示：“Vivienne差唔多饱喇！”

辩称帮队友叫嘢食　Edan：打边炉可以揾佢代言

10位受访时，Jer辩称：“我帮大家嗌嘢食，上次打边炉，佢话我口里说不，但系又唔想浪费食物，咁我咪帮佢哋食晒啰，嗌到成台就系因为我知佢哋好大食。”姜涛和陈瑞辉（Frankie）都忍不住：“不如你认咗佢啦，呢个moment仲要兜嘅？”阿Jer就对姜涛说：“喂！大佬你讲到自己冇食嘢咁㖞，搞错呀！”Edan亦加把嘴，叫火锅店可以考虑找Jer代言：“打边炉可以揾佢代言啊！佢唔止一次，前排本身又话食饭，佢话食海鲜，蒸气火锅，又话咁肥唔好啦！点知都系照打边炉都系照食，唔明个分别喺边。”被问会否约细细粒本人Battle，Edan笑谓：“佢细细粒，你大大粒啰！”Jer：“当然好啦，食嘢，吃播！”

Anson Lo桌球技获吴安仪赞赏　姜涛盛赞Ian 30秒

而Anson Lo对于可以赢到Cue后吴安仪，直言：“𠮶吓系幸运之神嘅眷顾，就系𠮶一刻，大家都应该suppose打定输数，讲真点会入？同埋大家睇返，𠮶吓入呢⋯好高难度，唔系直线，系嘭嘭嘭嘭嘭Boom就入咗，撞几下咁样入㗎 ！所以真系好彩！佢话好彩都系一个天赋，多谢多谢。”他又笑言幼稚园桌球校队：“冇考到黑带，所以生疏咗少少，而家攞返少少记忆，所以最后尾𠮶下先打到。”而有桌球底的邱傲然（Tiger）都有被吴安仪赞赏，他表示：“又唔可以讲话系较量嘅，都系学习啰，最衰有球证，如果唔系我可以帮佢执波。佢教咗我几下，所以终生都有受用，以后同屋企人打波都可以同佢讲。”活动上，Ian又透露其中一个环节要赞姜涛30秒，于是姜涛应记者邀请下反赞Ian：“我觉得……Ian系一个好聪明，聪明得嚟都系会配合返大家嘅，有时太聪明，我哋都跟唔到佢，佢都愿意停低脚步迁就我哋。仲有作曲、作词啦⋯⋯”他笑言30秒都不够讲。

“古惑ACE”Edan被爆袋几皮奖金　“好胜姜涛”带伤仍搏到尽

《MIRROR ACE》是最多奖金的一辑团综，众成员指Edan赢得最多奖金，Tiger更大爆：“佢袋咗几皮嘢落袋呀！”问到是否因为最古惑所以获胜，Edan连忙否认：“唔好咁讲嘢，有实力㗎，我好多系用实力赢㗎！（Anson Lo：最多钱𠮶个攞最多钱！）吓？姜涛攞好多钱咩？多钱过我𠮶个话我攞最多钱㖞。”他说今次节目每一集都有很多奖金，怀疑将本来用作出埠拍摄的Budget拨出，但确实大家都玩得很享受，游戏性强，大家又玩得放松自在。此外，Frankie又大爆“好胜ACE”姜涛事迹：“姜涛系票选好胜第一呀嘛，我记得我有一日都同佢part，佢话只脚有少少拉拉地，唔想咁激动，我哋就话‘咁我哋不如轻松玩啦，赢唔赢到都冇所谓。’点知佢都唔轻松！𠮶个好胜心都好难忘呀！真系好好胜㗎！”

姜涛认近日低调养狗仔　AK搞笑：喺街见到记得帮佢狗仔打返格

此外，早前佘诗曼爆姜涛养了狗仔，他回应：“系，因为系缘份，但系我就想低调啲。（记者：搞唔搞得掂）OK呀OK呀，佢系一个我当咗系我个仔咁样。”他都有跟队友分享狗狗照片，陈卓贤亦有介绍宠物用品店给他，姜涛表示：“我希望佢健康地成长。”被问会否带狗仔去跑步，他说：“会，但系我都会低调啲嘅尽量，希望大家俾啲空间我同我嘅狗仔。”此时AK搞笑谓：“喺街度见到记得帮佢狗仔打返格。（Jeremy：姜涛唔使打，净系只狗仔要打！）（Stanley：因为佢会戴口罩。）”场面十分欢乐，而姜涛亦透露母亲会帮忙一起照顾狗狗。