HOY首套处境剧《你的保安 李宝安》将于月底播出，近日正如火如荼拍摄当中，早前《01娱乐》去到拍摄现场，除了直击几个精彩场口外，亦访问了导演何爵天。虽然早前在剧集记招上，他指剧集暂定20集，不过探班当日他已亲证未开播先添食，表示：“总之已经系多过20集，慢慢迈向3000集！”何爵天又剧透有一位隐藏Boss即将登场，将掌控整个“临海峰”保安部。讲到今次拍处境剧与之前拍电影节奏是否很不同，他指其中一个难处是太多笑位唔知点剪：“有正爷（李尚正）喺度就一定会爆肚，大家好努力接实佢啲招数……反而有阵时我就接唔到，因为实在太多，多到接唔晒，要谂吓到时点样剪，好难拣！”

滨崎真绪首日拍香港剧　广东话对白获导演大赞

拍摄当日以有滨崎真绪的场口为主，先是她与刘绮婷（Yanny@Lolly Talk）的电梯场口，亦有滨崎、妹头（卢颂恩）、麦沛东、曾睿智的笑位，导演大赞滨崎：“今日佢第一日拍摄，应该都系第一次喺香港拍剧。滨崎有一个难度，就系佢要讲广东话对白嘅，佢又背得非常之好熟练，同埋我俾佢都好多指引，佢都系做得非常之好，完全唔似第一次拍剧。”

首拍剧集节奏快过电影　李尚正爆肚多到剪唔晒

何爵天首次执导剧集，问到与过往拍电影节奏是否很大分别，他直言：“好唔同呀！要快好多呀！平时拍戏都要快，今次系再快啲，因为我哋个时间都好紧迫，同埋有阵时我哋拍剧，其实反而要多啲时间揾笑位出嚟，呢个都好难。”问到哪位演员最多笑位，他笑言：“喂，咁唔使讲啦！正爷（李尚正）啦！正爷真系最犀利，之前同佢合作《死尸死时四十四》已经知道佢好犀利㗎啦，其实几个都好好，阿东（麦沛东）又系，当然我第一次同佢拍喜剧，上次就唔系搞笑，今次就搞笑，妹头都系喜出望外，可能跟得正爷多，同埋近排开始做舞台剧，佢成个人都喺状态入面，非常厉害。”他又续说：“当然啦，有正爷喺度就一定会爆肚，大家好努力接实佢啲招数。（记者：接到嘅？）梗系接到啦，个个都咁犀利。反而有阵时我就接唔到，因为实在太多，多到接唔晒，要谂吓到时点样剪，因为个个都咁好，好难拣。”

亲证未开播先添食　妙谈AI景应用：要用得其所

早前开镜时，外界都形容《你的保安 李宝安》是跟《爱·回家之三代同糖》对撼，他当时说：“好似唔同时段啊？我唔知㖞，呢啲百花齐放㗎啫。同埋而家睇完又可以揿返去睇，一齐睇。”他补充指目前剧集暂定20集，每集约20多分钟，现在“边写边拍、边拍边写”，希望观众会喜欢并继续支持，而探班当日他就亲证：“已经有添食，希望budget上面再增加多啲会更加好。而家系有添食，但系几多集系未知，总之已经系多过20集，慢慢迈向3000集！”讲到是否以实景拍摄，他表示：“都系实景嚟嘅。”至于会否用AI景，他就发表自己看法：“都可能要㗎，如果我要飞簷走壁、上太空咪AI景啰，去极地、去星球𠮶啲都会AI景，其实都可以用吓嘅我觉得有阵时，始终香港制作资源都有限，要点样善用个资源，有时都要用到AI，不过要用得再更加好，同埋用得其所，佢都系一个工具，有特技咁样。”

虾头将以隐藏Boss登场　盼毛舜筠Edan加入临海峰宇宙

讲到目前已拍摄的场口中，有没有哪些重点推介，何爵天直言好难拣：“几位主角当然系好犀利，同埋我哋好多客串，有Jeffrey、滨崎、Ah Yo（Lolly Talk郭晓妍）、Yanny、江嘉敏，嚟紧仲有一个之前隐藏嘅人物嘅，一嚟已经预咗佢，寻日我哋拍咗，就系虾头老师。又再一次合作，今次又有佢，又有麦东，好似《正义回廊》嘅组合，希望嚟紧阿卵（杨伟伦）又可以加入战团，希望越来越多我哋之前合作过嘅演员，都可以返返嚟呢个临海峰！”他剧透少许虾头角色，表示：“佢犀利啦，佢系Boss嚟㗎，掌控晒成个临海峰保安部嘅一个大佬。（记者：佢都系保安？）佢系Boss级嘅保安？我唔知算唔算保安，波士算唔算保安？”何爵天又不讳言，希望之前参与过的毛舜筠、吕爵安等等，都能加入“临海峰元宇宙”。

Elka@Lolly Talk探班兼自荐演出：我想做清洁姐姐

适逢当日郑芷淇Elka@Lolly Talk来探班，何爵天亦邀请对方一同受访，Elka：“今日梗系支持导演啦。（导演：系咩？你唔系支持Yanny咩？）梗系唔系啦，两个都支持呀！全部都支持！”早前何爵天执导Elka新歌《洗脑歌》MV，Elka笑说：“我想洗晒全剧组嘅人脑，妹头老师已经识唱。”问到会否加一个角色畀Elka，何爵天说：“绝对有！佢话嚟紧啲MV都畀我包揽晒，等价交换！”Elka就表示：“唔知我嘅角色系咩呢？导演，我想做啲清洁姐姐……（导演：保安啰，或者洗脑𠮶啲啰。）几好呀，有个洗脑部门。”而导演更说，希望有剧中集齐8位Lolly Talk成员。