“十大杰出青年选举2026”今日（6/10）于湾仔香港会议展览中心隆重举行，本届共有9位来自不同领域的优秀青年获得殊荣。其中，中国香港剑击运动员蔡俊彦（Ryan）荣获本届杰出青年，消息令人振奋。

颁奖礼结束后，蔡俊彦接受《香港01》访问时难掩兴奋心情：“真系好开心可以攞到呢个奖！打亚运之前，其实我喺剑场上嘅训练系唔够嘅，因为自己有伤喺身，做咗好多体能训练同以前唔钟意做嘅嘢，真系上剑场实战其实得一个星期。当时个人赛抽到好线，顺利入到决赛；但团体赛就明显见到自己发挥唔稳定，𠮶阵觉得好唔开心，觉得累到队友同教练。好彩教练同队友都好用心同我检讨同分析，话我系因为伤患影响，要畀个落台阶自己，唔好对自己咁苛刻，所以好快就重新拥抱正能量，准备下一个比赛！”

提及接下来的比赛行程，蔡俊彦透露将于10月15日前往日本比赛，他笑言希望赛后能顺便去行街血拼。当被问到会否打算应网民所讲去整形或“微调”时，蔡俊彦笑言如果能变得更靓仔，自己完全不介意尝试：“其实而家21世纪，如果真系微调𠮶啲都好正常，我未试过，但我系有纹过眉，我本身唔介意！如果有人话包靓嘅，我都想试吓打针。（想整边度？）我谂打吓针啰，但唔话俾你听整边度，而家科技咁流行，要善用佢啦，大家需求唔同啫，我唔觉得有人整系一个问题，有人整都系佢个选择，互相尊重。”

对于日前在比赛前夕遭遇网民攻击及追击，蔡俊彦展现出超越年龄的成熟与豁达。他坦言当时确实有些少受影响：“有受影响嘅，因为对方拣咗个‘好Timing’，拣喺我比赛前一日攻击我，通常比赛前一日系最焦虑、最紧张嘅时候。以往最多烦五分钟，但今次真系有唔开心咗一个早上，甚至觉得惨喇，听日可能打唔到比赛，心态好似要崩溃咁。”然而，蔡俊彦表示情绪很快就过去，到了当天下午心态已经平复，第二天的比赛亦未受影响。他笑言这是一次宝贵的经验，未来即便再遇到类似情况，相信自己也能从容面对。

谈及如何看待网络上的负面声音与酸民，蔡俊彦坦言：“我觉得作为一个公众人物，最紧要系带到快乐畀观众。有人喜欢睇我打剑、睇我访问得到快乐，亦有人喜欢透过批评或者人身攻击我嚟得到快乐。我觉得呢个就系公众人物需要付出嘅代价。我受嘅指责其实算好轻微，好多人受嘅系不实嘅指控，佢哋仲惨。如果我连呢少少压力都顶唔住，点样出嚟做运动员？”