昨日（6日）全城疯传一段影片，片中女童拿著两大袋啤酒，爸爸在前方自顾自的走，完全没有理会跟在后面的女童，而女童妹妹亦没有帮忙拿重物，最后在街坊指责下，爸爸忍不住对女童发脾气及抢过手中的重物，继而冲回居住大厦内。片段被网民疯传后，警方、校方及区议员等都有作出跟进，今日（7日）女童没有上学，令不少网民表示担心，而不少传媒亦到女童家作采访，《东张西望》亦播出爸爸妈妈及女童接受访问的片段。

妈妈表示另有内情纯属误会

“东张女神”王汛文到访女童家，由妈妈来应门，她表示事件另有内情：“其实件事纯属误会嚟嘅，我老公贪平过平时几蚊咁大手入货，妈妈饮嘅！因为本身我就戒酒，原本以前饮12罐，医生话戒酒，系逐罐戒唔系一次过减半，咁而家都系饮5罐。之前都未返学就推BB车，啲啤酒就全部塞晒BB车里面，因为细佬返学冇攞BB车，爸爸又拎书包又要凑住依个细仔，又冇攞BB车，因为返紧学。我大女就系大小肌比较弱，所以佢觉得比较重，同埋佢只脚咁瘦系家族遗传。”妈妈更直指书包比啤酒更重，所以绝对没有虐儿之嫌。

女童表示爸爸很疼她

女童亦有接受访问，她表示爸爸要照顾弟弟，所以家中的家务由她及妹妹分担：“我哋要分工合作嘛，屋企好好，妈咪其实系有长期病，我哋要多多照顾我妈咪。”妹妹见状亦立即指向药箱说：“如果你哋唔信，睇吓个药箱，全部都系我妈咪𠮶啲药嚟㗎！”爸爸亦有表达心声，他指：“如果我唔锡佢，就唔会同佢去埋旅行。”女童表示他们一家人去了北京，更表示自己不见了手机：“爸爸就买返部手机畀我。”

爸爸对网上流言感到很大压力

面对网上流言，爸爸向王汛文表示受到很大的压力：“街都唔敢出，学都唔敢返。佢哋每个月学SEN𠮶啲上堂，成$300，上足7堂，每个月都花成$2000几畀佢哋去学，真系想佢哋好。”对于片中他晦气的态度，爸爸指：“突然有人影，个情绪一定有啲㗎啦讲真，我可能系有少少暴力咗攞返袋啤酒嘅，但系打我就真系冇一啲都冇打过佢哋，三个我都唔会打。”他承认自己在夺回啤酒时的确有点粗暴，但绝对没有弄伤女童。

爸爸觉得网民讲到将来会强奸女童太离谱

对于网民的留言，他直指：“愈讲愈离谱啊！开始讲到话我将来会强奸佢啊！呢啲真系愈讲愈离谱㖞，我愈睇愈嬲啰。唔开心啰，锡佢哋其实，攞嘢真系想训练佢啲大肌小肌肉。”他指自己用心良苦，只是想训练女童的手力。

警方表示，傍晚时分已经拘捕女童的父母，他们涉嫌对所看管的儿童或少年人虐待或忽略而被捕，现正被扣留调查。