蒋祖曼（Joman）今日（8日）出席无线剧《璀璨之城》宣传活动，讲到今次饰演张智霖（Chilam）的得力助手，她自言每日开工好幸福。而问到以“老公”、“老婆”相称的唐宁，早前卷入官司，更在庭上被爆患重度抑郁兼B型人格，并且出现自残刺腹等行为，蒋祖曼不欲多谈好友状况，表示“但系佢OK嘅”，并表示：“呢十几年我哋大家都陪住大家。”

与张智霖多对手戏 默默望对方好幸福

说到今次剧中角色，Joman说：“我觉得自己好幸福，基本上九成都系同Chilam一齐，每一日企喺隔篱默默咁望住佢，我觉得已经系超开心。”她又为角色加入很多设定，例如暗恋Chilam ，不过Chilam剧中与多名女角有感情瓜葛，更要动粗，Joman指自己冇被打，亦冇亲密戏，默默守护对方，又要帮对方以不同手段去完成目的。她又表示：“钟意睇佢嘅戏，同埋听佢嘅歌，所以都好开心。近排又重播《十月初五的月光》，觉得同初哥哥可以喺澳门相遇都好梦幻。（记者：你系君好？）幻想自己系君好。”

好友唐宁被指重度抑郁 蒋祖曼：佢OK嘅

Joman与唐宁是闺中密友，对方更称她“老婆”，问到早前唐宁被经理人公司控告违约，指她患重度抑郁以及B型人格，曾持刀自残及指吓经理人，问Joman是否一早知情，她保护好友说：“佢嘅嘢就唔特别去讲，但系佢OK嘅，所以多谢大家关心。”至于作为朋友会否飞过去纽西兰陪伴对方，Joman表示：“呢十几年我哋大家都陪住大家，但系佢之前有返嚟香港嘅，而家佢喺纽西兰。（记者：会唔会飞过去探佢？）而家暂时唔会，因为做埋嘢先。”

与唐宁相识十多年 因动物熟稔

她指自己在唐宁大肚时认识对方，曾一起拍摄独立电影，当时并不熟稔，“之后我做一个舞台剧，佢都冇份做，但系我就喺排练嘅过程喺𠮶度出出入入，跟住我哋倾偈嘅时候就熟咗。因为我哋屋企有好多动物，佢就成日走嚟我屋企度睇动物，个缘份就到而家。”问会否担心唐宁自残后果严重，她就封口：“呢啲就唔讲啦，呢啲系佢自己嘢。”