温拿乐队成员彭健新（健仔）昨日（7日）接受《香港01》访问，透露将会为相识数十载的已故好友黎彼得之致敬音乐会担任嘉宾。健仔笑言自己甚少在台上演唱别人的歌曲，但由于黎彼得曾为他填写过多首意义深远的歌曲，包括电影《提防小手》同名主题曲等，故今次无论如何都要力撑好兄弟。

难忘《吹吹小喇叭》 赞黎彼得鬼马有内涵

谈到二人之间最深刻的回忆，健仔首推1978年由黎彼得填词的《Sha-la-la》中文版《吹吹小喇叭》。他忆述当年这首歌极受欢迎，必定要唱这首名曲：“我记得我有一次走咗五场演唱会，五场压轴呢只歌，一定系要唱《吹吹小喇叭》。”在健仔眼中，黎彼得虽然平日给人感觉“衰鬼”及“鬼马”，但其实相当有内涵。他强调黎彼得并非只是搞笑，其人生经历丰富，对社会有深刻体会。健仔特别点名大赞黎彼得填词的《浪子心声》，认为该曲每一句词都极具意思且容易上口：“好多年轻嘅人会跟住唱，开头可能唔知道佢嘅词意系点样，但系唱唱下。咦！点解我会遇到嘅事情都系同呢只歌一样嘅？所以《浪子心声》呢只歌喺我心目中佢呢只歌系排第一位。”

谈富泰邨疑似虐儿案：最紧要唔好逼

除了大谈昔日兄弟情，一向疼爱小朋友及小动物的健仔，亦被问到对近日“屯门富泰邨虐儿案”的看法，健仔坦言这类事件难以一概而论：“大家睇法唔同，即系我唔希望畀一啲辛苦嘅嘢啲仔女做。”他以自己的契女为例，指现今学童的书包已经非常沉重：“比我钓鱼个冰箱装啲水、啲嘢仲要重！”他平时接送时也会主动帮契女拿书包：“通常我凑佢放学就我揹，我都真系唔忍心佢揹啲嘢，揹啲咁重嘅嘢会影响发育啊，会唔高得㗎！真系唔好啊。”并会劝喻她不要把不必要的物品放进去。

健仔强调，父母虽然可以训练子女，但首要条件是“唔好逼”。现今网络资讯发达，如果小朋友在网上接触到这宗事件，他建议家长应采取“正面”的辅导方式：“你唔好话系啦，好阴公嘅。你要一个正确性辅导佢，太重嘅真系唔好畀佢拎，因为佢依家系发育期啊嘛，你都想佢高大啊嘛系咪？”凡事应量力而为，切忌用极端方式强迫小朋友。