无线台庆剧《璀璨之城》昨日（8日）举行活动，有份演出的陈滢，于剧中饰演新闻报道公司员工Sarah，与张智霖、陈晓华较多对手戏，直言：“我就为爱情咩都做得出，而我觉得Sarah呢个角色嘅故事系好凄美，同埋好多层次。我自己都觉得今次演出同过往真系的而且确挑战咗唔同底线，超越咗唔同底线，所以希望大家会钟意。”

自荐凄美性感演出　操练线条迎接从影最大尺度

去年开拍时，陈滢曾透露今次自荐性感演出，是从影以来尺度最大，她在今次访问再补充：“其实系我睇剧本嘅时候，有一场戏系特别Stand out，𠮶场戏嘅情绪系好Complicated，呢场戏，Sarah呢个女仔因为好多原因就决定咗要做某啲嘢，要特别性感。但系佢性感原因唔系因为要sexy或者要有sex，而系因为佢背后嘅一个story，所以成段戏，唔系大家观众睇惯嘅色情嘅𠮶个感觉，而系你睇完𠮶段戏，你唔会觉得好sexy，而系觉得好凄惨。”她形容画面美得似写诗，问到是否为演出刻意减肥，陈滢解释自己冇减磅，而是操练线条、增肌：“刻意操靓少少个身形啰，要见到多啲线条嘅，所以𠮶段时间用咗好多个月去操啲肌肉，做好多下身嘅lifting、squat、lunge⋯”

幕前演出骤减零存货 坦言演员被动：等机会啦

谈到近年幕前曝光率大减，陈滢坦言今年除了播出的《卧底娇娃》外，《璀璨之城》已是她手头上“最后一套”剧集存货：“而家成个趋势系大家都好多嘢吸收，可以睇短剧、网剧、电影，好多时候都未必记得今年系咪同过往有几多套剧嘅分别，大家作为观众都好易唔记得咗自己睇过啲咩。”问到会否担心，陈滢说：“作为演员比较被动，当然我唔系唔想再继续做演员呢个岗位，我仍然好钟意拍戏，但系我觉得等机会啦，我都系一个比较被动嘅position。”她透露虽然暂时没有演戏 Project，但一直有保持工作，目前亦未心急要另谋其他行业发展。

被追问去土耳其参加JW婚礼 坚决封口：朋友嘅问题我唔回应啦

讲到好友JW（王灏儿）近日被传去年已于土耳其与足球班主男友王至尊秘婚，由于陈滢、马天佑、罗天宇及陈懿德等去年曾盛装出游并晒出合照，被指是秘密前往观礼。当被问及有否出席JW婚礼，以及罗天宇早前回应时答到Hang机，表示要交畀下一位回应。而此日访问陈滢，她就明显有备而来，斩钉截铁表示：“我今日除咗自己嘅问题，我系唔会回应㗎，多谢。”被追问当时去旅行的目的，她只笑言：“唔记得喇，我去旅行都好钟意分享自己去𠮶啲咩地方、食过啲乜嘢，如果唔见太耐大家唔知我去咗边，update下大家，‘我而家玩紧，迟啲再见啦’。”至于提到何雁诗被指“弃养”病儿，以及JW感情美满会否很替她高兴等朋友新闻，她一概以“其他朋友嘅问题，我都唔回应啦，多谢”谢绝回应。

自爆感情生活不够美满 监制指大胆戏份可吸引追求者

虽然对好友的事情三缄其口，但谈到自己的感情状况，陈滢则相当坦白，直言希望自己的感情生活可以尽快变得美满：“暂时未开始，所以我希望可以好快好美满！”问到会否考虑主动一些，她透露曾向监制阿Joe（陈维冠）说：“之前我同佢讲有几段戏，我都觉得好大胆，会唔会吓走咗啲男仔，因为可能男仔见完就会觉得，哗！唔得唔得唔得……（记者：大胆在乜嘢？）你哋睇啦，Anyways，阿Joe就话‘唔会呀，可能男仔睇完呢段戏先至追你呀！’”最后陈滢更许愿，向记者笑言：“我希望下次你哋揾我做访问，我已经有一个新嘅男朋友。”