在爱知名古屋亚运为港队勇夺“第一金”的武术女将沈晓榆（Lydia），因EXO迷妹身份获封为“追星人榜样”！身为韩国男团EXO 13年忠粉的沈晓榆，夺金后随即于社交平台发布7月参与签售会的影片，透露自己成功兑现了与偶像EXO的“金牌约定”，她的热血事迹亦吸引了韩国三大电视台之一的SBS关注及采访，大晒流利韩文，当记者告知她EXO成员们已得知她夺得金牌的消息时，这位“EXO-L”更惊讶表示：“真不敢相信。他们真的看到了吗？”而昨晚（8日）沈晓榆出席慈善跑活动，就大谈偶像EXO，指得到灿烈点赞喜上加喜，已准备好11月带埋金牌去首尔“全勤”睇演唱会。问到亚运赢得的奖金是否全数用到应援，她笑说：“我又唔想全部拎晒嚟应援嘅，因为辛苦钱嚟㗎嘛，冇理由洗晒落男人度，哈哈！”此外，她也透露会否想加入娱乐圈的意愿。

追星Reels爆红意料之外　灿烈点赞登SBS报道喜上加喜

讲到此刻是否已消化夺金心情，Lydia指其实一直都冇特别兴奋，而对于追星片获得大量网民支持，她坦言是意料之外：“完全冇谂过条Reels系咁爆嘅，因为我以前都有po开追星片，冇谂过呢条特别爆。”至于是否因为有EXO鼓励要夺金，她说：“我觉得一定有帮助，可能我剪完IG啲片，得闲我就会拎出嚟睇，睇返我就会开心返，所以有一定帮助。”SBS主持指EXO已得知她获得金牌，问到何时正式确定EXO得悉喜讯，Lydia表示：“因为佢哋真人系冇出过嚟嘅，但系我系透过SBS𠮶日嘅访问，佢就有show俾我睇，EXO𠮶边经纪公司系有send到message俾SBS记者，同佢讲EXO已经知道。如果话本人有行动嘅话，就系SBS新闻𠮶条Views， EXO灿烈有点赞，所以肯定系知！（记者：仲兴奋过攞金牌？）唔同感觉啰，喜上加喜。”

11月将带奖牌赴首尔睇骚　未会将亚运奖金全数做应援：辛苦钱嚟㗎嘛

Lydia回忆起7月去签售会时与EXO见面的经历：“佢哋写咗啲PS俾我，话希望九月亚运会拎金牌，然后又即刻画咗只熊仔，都系戴住个奖牌嘅熊仔，我会睇到，因为我喺房都系摆出嚟。”当讲到下次可以带同金牌去签售会见EXO，她指未知何时再有签售活动，但会带去演唱会，并透露11月将去首尔睇EXO的Encore场，表示已买齐三场门票，问到是否将亚运赢得的奖金都用作应援，她笑说：“我又唔想全部拎晒嚟应援嘅，因为辛苦钱嚟㗎嘛，冇理由洗晒落男人度，哈哈！未完全谂，希望储住先，同埋同妈咪去旅行。”

不抗拒试演艺工作　笑称唱歌不行但可拍动作片

Lydia直认亚运后IG followers有少量升幅，对于会否参与其他类型甚至演艺工作，她谓：“如果有机会、有时间嘅话，唔影响训练之下梗系会想尝试，我自己本身都好钟意试新嘢。（记者：对演艺工作有冇兴趣？）都要有人揾我先得，我想试吓嘅，可能武打𠮶啲我都会想挑战吓，我都钟意玩唔同嘅嘢。”不过讲到会否学蔡俊彦由运动员转型歌手，她就立即耍手拧头：“我唱歌唔得！”Lydia指有机会都可以拍动作片，但就冇特别想与哪位武打演员对打，记者讲到甄子丹、林峰、古天乐等演员，她都笑说是自己荣幸，跟谁打都可：“我冇特别谂，我觉得呢个机会太梦幻，所以冇特别去谂呢啲事。（记者：EXO都得啦！）但系佢哋本人未出嚟，如果真系本人都有恭喜我，就真系梦幻，so far都系冇乜实感。”最后，问有否喜欢任何香港偶像，Lydia表示较少留意，但有听广东歌，例如吕爵安（Edan）和陈卓贤（Ian）。