今届港姐季军李泽欣今日（9日）出席《善心满载仁爱堂》记者会。对于早前出席活动时，被网民发现影大合照期间疑似“趷脚”，惨遭批评“心胸狭窄”，李泽欣接受《香港01》访问时表示自己并无不开心，反而觉得非常搞笑：“我冇不开心啊，我觉得好搞笑！因为这证明我嘅港姐礼仪展示咗畀大家见到啰！”

她解释指，当时的动作并非故意“趷脚”摆姿势，而是港姐训练中的标准站姿：“我冇趷脚，我哋系‘丁字脚’礼仪脚嚟㗎！影相𠮶阵我话畀导师知我系有听从你嘅指示，所以其实系丁字脚礼仪，唔系乱咁趷脚。”

面对网民的负面评价与批评，李泽欣表现得相当大方：“我反而唔会特别去解释，因为真正了解同认识你嘅人，就可能会知道你大概系一个点样嘅人啰。反而去解释，等于人哋觉得你掩饰，咁其实反而系冇必要。（会唔会有时都唔睇新闻？）都唔会唔睇嘅，有时候我觉得大家讲啲嘢都好中肯或者俾俾咗啲意见我嘅。而偏激嘅说话比唔到有建设嘅意见我，睇完就算。不过开头睇到呢啲留言都会有啲唔开心，因为始终即系大家都唔会钟意有人话自己，但系我知道做 artist都预咗。明白大家有言论自由，所以我都会接受。”