无线饮食节目《美食强人》今日（9/10）举行宣传活动，李家鼎（鼎爷）与肥妈（Maria Cordero）一同现身支持。早前肥妈自爆正物色老人院，随即引起网民热议，质疑她儿孙满堂为何仍要打算在老人院度过下半生。肥妈接受《香港01》访问时，坦言家人得知她有入住老人院的想法后大为反对。

她笑言：“咁嘅年纪唔物色老人院，唔通物色条靓仔啊！系咪？应该嘅嘛，依家我俾屋企人闹啊，‘你有冇搞错啊？去老人院？我话唔通去青年会呀。佢哋话唔准㖞！”

面对家人的反对，肥妈亦开出条件，霸气喊话：“唔准又系你自己讲，唔关我事！咁我话去老人院你话唔准，咁你照顾我啦！咁我老咗叫你照顾，我仲要向全世界讲完，你唔照顾我，你就大件事啊！”

她表示人老了自然会有此打算，主要是希望将来不会拖累年轻一代，又赞赏现时的老人院环境与服务极佳：“老咗一定有呢个想法，仲想拖累啲年轻人咩？你唔知你老咗点㗎嘛，依家我哋行得走得，我天天跳舞做运动添，你觉得过多几年，我希望过多十年八年，你未必系咁健康定㗎嘛？而家佢话佢照顾我，话我做齐晒准备㗎，我揾晒老人院㗎，佢话唔畀我去，唔畀我去就你自己攞嚟嘅啦，你拉住我你就要理我㗎啦，系咪先？同埋我仲要同咁多全香港观众、屋企人讲晒，你敢唔敢唔理我？真系啊！”

旁边的鼎爷亦非常认同肥妈的看法，笑言家人“拉住”她就要负起责任。肥妈更夸赞现在的老人院设施完善且专业：“我真系觉得好靓㗎，人家个老人家医院，哗！靓到死靓啊！佢唔止靓㖞，佢照顾我哋𠮶啲全部都系年轻仔、年轻女嚟㗎，即系年轻过我哋啲仔女啊，睇吓都爽啊！好专业㗎佢哋！”

此外，谈到被问及以前借出的巨款能否收回时，肥妈与鼎爷皆感叹世道改变，借钱容易收钱难。肥妈无奈指：“借钱俾人，还钱好似求人！依家我都同佢哋讲，唔好借钱俾人，依家啲钱系俾人，你俾得几多就俾人，唔好借。借咗我冇咗好多朋友，咁唔需要啦！依家咁嘅年纪，当然留返啲钱嚟养老啦！”鼎爷亦表示如果有良心自然会还，安慰肥妈不必放在心上，过好眼前的生活最重要。