无线台庆剧《璀璨之城》昨日（8日）举行记者会，在台上出场的部份，陈炜（炜哥）与江美仪傍住“John哥”姜大卫而充满火药味，炜哥跟美仪姐受访时再大谈剧中复杂交错的人际关系。美仪姐坦言与姜大卫（John哥）处于“有佢冇我”的对立状态，而对待儿子吴卓羲则是“恨铁不成钢”，问到在剧中是否糟踬对方，她笑说：“千祈唔好咁讲，打过佢一次啫，哈哈哈哈！佢争啲碌落地。”她又剧透将会狂打吴卓羲老婆，亦即自己媳妇张曦雯：“点解我成日咁憎张曦雯呢，因为我觉得佢帮唔到我个仔手，所以我就成日打佢，打张曦雯，打咗好多次！我每一次都同佢讲‘唔好意思呀，唔好意思呀，有冇整亲你呀？唔好意思。’讲完又打，我根本喺呢套戏里面系个打女！”被问到传闻江美仪的角色原本由邵美琪饰演，因档期由她顶上，她只表示要问监制。

陈炜手握关键一票　江美仪形容官家各怀鬼胎

相比之下，炜哥透露自己的角色个性非常温和，只为集团利益做事，与John哥关系友好。不过，身为关键人物的她手握极为重要的一票，“大家都想拉拢我，有啲巴结我，有啲揸住啲痛脚。”早前有剧照流出，网民见到张智霖（Chilam）与江美仪同场，即想起《冲上云霄II》的Captain Cool与Head姐，美仪姐笑言加埋吴卓羲，简直有《冲上云霄II》Reunion的感觉，又大爆在剧中她害了Chilam，讲到这套剧冇个好人，美仪姐认为整个官家可用“各怀鬼胎”形容，但表示：“炜哥唔喺我哋官家里面就好啲，我哋成家人都系变态㗎！”

昔日情夫变儿子　江美仪笑称何德何能做吴卓羲阿妈

美仪姐与吴卓羲非首次合作，但相信观众都依稀记得，早前重播的经典剧《名媛望族》中，吴卓羲饰演其情夫，但今次于《璀璨之城》却要转战演母子。现实中江美仪仅大吴卓羲8岁，被问到要演母子是否需要冲破心理关口，江美仪回应：“我何德何能做佢阿妈！（陈炜：你话8岁生佢嘛。）我系腹中腹，我一出世佢就出埋嚟。冇呀，其实做演员，一个新嘅挑战啰，如果出嚟系似嘅就好叻，唔似嘅都合理吖，系咪？”美仪姐又透露剧中的白发造型是监制特别要求，希望能令外型更加入戏及像母亲：“讲真一句我本身真系唔系大佢好多，可能有个白发造型就会易啲入戏，形象会似啲。”

江美仪护航《女神2》Matthew卷土重来：男未婚女未嫁

对于热播节目《女神配对计划2》中，上一辑追求关嘉敏不果的参赛者Matthew今辑“卷土重来”，却无人选择，有网民批评她追求不到关嘉敏又再上来，江美仪大方护航：“百货卖百客，呢几个唔啱咪下次再嚟过……佢上次追𠮶个好似系唔成功，咁佢唔成功咪试吓第二啲啰，男未婚女未嫁，又合理嘅。我唔可以代表网民讲啲乜，但系我觉得系冇问题嘅，始终佢冇话俾你听陈炜系我女朋友，但系我同咗陈炜一齐又揾第二个，咁我觉得咁样又OK㖞。”至于另一位被网民指为“渣男”的求爱勇者李尔晨，二人表示不相熟，但陈炜曾到贺对方的健身中心开幕，并指：“佢好好人。”江美仪亦透露李尔晨私下经常约她们一起做Gym。

陈炜首尔庆结婚四周年　江美仪赞对方冇老过

此外，陈炜早前于社交平台晒出与老公的甜蜜合照，她透露刚与老公前往首尔旅行，庆祝结婚四周年，已有10年未到访首尔的她大赞过程新鲜好玩，旁边的江美仪笑说：“最紧要系同边个去嘅啫。”又大赞炜哥完全冇变老。谈到月前一班亚视艺员参与由林祖辉发起的聚会，问到友谊多年不变是否非常难得，江美仪说：“总之有人约食饭我哋就行㗎啦，揾个借口就去㗎喇。我搞过好大型㗎，我搞亲𠮶啲都系大嘢。”