黄夏蕙今日（10日）于九龙湾筵开60席，隆重举行其96岁生日宴会，现场星光熠熠、热闹非凡。黄夏蕙在接受《香港01》访问，被问及今年是多少岁寿辰时，黄夏蕙笑言：“应该系嚟紧94岁啦，94！而家都仲系93岁。”  其后经理人更正黄夏蕙真实年龄为96岁。

谈到如何长年保持如此精灵精神的良好状态，黄夏蕙分享了自己的养生哲学：“冇呀，做多啲善事、做多啲好事就得㗎啦！”至于许下了什么生日愿望，她心系大众地表示：“我嘅愿望，最紧要全世界都和平啦，有饭食啦，有工作啊，即系大家过著安乐嘅日子，呢个最紧要。佢地唔安乐，就算我自己好都冇用啊。最紧要真系世界和平，人人有工作，大家有饭食，呢个系我愿望。”

筵开60席亲友同欢　筹备内地慈善老人院

被问到除了今晚的寿宴外，接下来是否还有其他庆祝活动时，黄夏蕙透露自己接下来将全心投入慈善工作，特别是在内地筹办老人院：“我唔再做嘢㗎喇。因为我有间老人院，自己开咗张㗎喇，但佢要我去同佢管理嘅，喺大陆嚟嘅啫……佢已经有筹备，我就正正式式开幕。”她补充道，该处环境极佳且收费实惠：“又好靓，好靓，亦都有啲老人喺度嘅。我正正式式同佢搞好佢，因好平，佢而家收紧人哋都系三千几蚊，好靓，包食四餐。”

黄夏蕙指由于对方不擅长推广，因此她决定亲力亲为宣传，甚至会两边走：“我而家同佢接咗过嚟，我就全力以赴喇。我都搬咗啲嘢上去住㗎喇，因为你一定要喺𠮶度，如果你唔贴身呢做唔到嘢。”她笑言自己日夜兼顾：“我系日头做老人院，夜晚就返嚟做节目。”

谈经济压力与遗产安排：我好悭！

被问到今晚筵开60席的预算时，夏蕙夷爽朗回应：“我唔知个预算数啊，因为有经理人帮手搞。因为我自己唔搞呢啲㗎，好乱啊。”  谈及家族基金与遗产发放问题，夏蕙夷透露目前已交由律师处理：“有，我攞紧……宜家去攞先得㗎嘛。当初我唔知，即系我唔知我先夫留份遗嘱嘅，咁法庭同我打官司，就知道我有份呢啲钱，即系每个月有几万蚊啰，咁十几年啰。”她补充指：“畀咗律师处理，因为我唔识处理呢啲嘢嘅，畀咗律师就简单啰。”

面对外界关心其经济压力，她坦言自己一向生活简单，没有特别嗜好：“我本来都冇压力㗎，我有仔有女，点压力啫？我好悭㗎，系除咗捐之外，我自己都冇乜嘢，买件靓衫啰！我冇乜特别嗜好，我个嗜好系唱粤曲，唱畀啲老人听，比啲嘢啲老人，我钟意呢啲。”