已故巨星梅艳芳的骨灰惊爆被盗，昨日适逢是梅艳芳63岁生忌的日子，其歌迷会公布了一则令人沉痛及愤怒的消息，指今年7月18日去拜祭时，发现安放于大屿山宝莲禅寺海会塔的梅艳芳骨灰被盗，报警至今近三个月仍未寻回，呼吁广大市民提供线索及合力寻找！而梅艳芳兄长梅启明，深夜接受网上媒体“鼎丰盛”访问，透露自己上一次拜祭是去年7月，现透过传媒得悉骨灰被盗，非常震惊及愤怒，直斥：“偷人骨灰真系好好冇阴德！”更指平时自己被抹黑贪财，若有人偷骨灰，根本衰过他多多声！他表示愿意悬红五万，只求尽早寻回骨灰，若有人将骨灰完整带回，他将既往不咎，之后梅启明越讲越激动，痛哭骂道：“个天都唔会会放过呢啲人！”

透过传媒始知阿梅骨灰被盗　怒轰冇阴德：系咪仲衰过我多多声？

梅启明透露自己上一次去拜祭阿梅是去年7月，当时觉得冇异样，直至昨晚接获传媒电话方知骨灰被盗，此前从未有家人或警察联络过自己有关事宜。他指同样地“梅妈”梅覃美金骨灰一样不知所终：“点解咁巧合？我觉得好奇怪！而家警察调查紧呢样嘢，因为偷人骨灰真系好冇阴德，好地地点解要偷人哋骨灰？我一路以来，你哋出面又话我咁，又话我争人钱呢样𠮶样，贪财，如果人哋偷咗啲骨灰，系咪仲衰过我多多声？点解冇人讲半句？我根本乜都冇做，点解啲人又咁样抹黑我？而家尤其是两个妹，梅艳芳、阿妈个骨灰又系咁样，点解咁巧合？我而家好气愤！真系好气愤！希望能够佢哋在天之灵加埋警察嘅配合，一定好快会揾返，我希望咁。”

愿悬红五万寻回骨灰　称日后会安放于更保密地方

被问会否考虑悬红，梅启明说愿意出五万元：“一定有考虑，有钱嘅话啲人会着紧啲，搏命揾线索。净系靠差人都要等，而家咁多市民同埋咁多fans，我唔相信唔会揾得返阿梅个骨灰。希望出悬红会尽快揾返佢哋。”他坦言寻回骨灰后，会安放于更保密的地方，不容许同样情况再次出现。他之后又隔空对梅艳芳说：“佢而家在天之灵一定知道系咩人偷，点样都会攞返佢骨灰，我好相信，一定可以揾得返！加上阿妹对社会咁大贡献，又冇害人又冇剩，做咁多善事，今时今日骨灰都俾人偷，点解呢？阿妈啱啱又走，又系骨灰不知下落，连灵车都冇一个名字喺度，阿妈而家好似唔知走去边度，都唔知系咪佢嘅，佢嘅肉体系佢嘅骨灰嘅，而家佢骨灰不知下落，希望喺呢方面，我会睇吓点样揾警察处理同帮助。”

隔空喊话盼凶徒完整交还　激动痛哭求提供线索

他又向偷盗骨灰的人隔空喊话：“我希望𠮶个人有良心的话，就攞返出嚟，我咩都系照俾你，讲得出就系咁样！讲得出做得到！我都希望能够俾返出嚟，有返啲良心，攞出嚟嘅话我亦都唔会再追问其他，只系想攞返个妹啲嘢，钱财方面一样照行，我喺呢方面希望你哋真系攞到嘅话，唔好讲偷，攞嘅话，我真系唔追究。点样样都好，希望完完整整咁样，个妹啲嘢喺返度，咁我就安心，如果唔系我一世都唔会放心！有乜可能咁样⋯⋯”之后梅启明开始越讲越激动，痛哭到鼻子通红说：“骨灰俾人偷埋，阿妈又系咁样，点会有咁巧合嘅事？个天都唔会会放过呢啲人，我觉得好奇怪啰，就系呢方面，希望你哋能够帮我，尽快揾到返嚟！多谢你哋啦，唔该晒！希望能够揾返，尽快，多谢大家！”