郑子诚今日（13/10）出席《区瑞强经典•传承演唱会2026》发布会，为多年老友区瑞强（Albert）站台支持。受访时，郑子诚接受《香港01》访问时大谈二人多年的深厚情谊，并回应了好友周国丰因母亲离世而缺席发布会一事。

谈到今次力撑区瑞强开骚，郑子诚坦言两人合作无间，对方开口邀请绝对无法拒绝：“我同佢好多年啦，佢唔单止系老友，佢其实系我一个好尊敬嘅前辈、师父，因为佢喺我广播事业过程里面帮咗我好多，默默支持我又好，点都好，都畀咗我好多鼓励同支持。今次再合作，讲真喺佢节目里面合作过，喺佢演唱会里面合作过都不下十次八次啦，佢叫到我推唔到呀！”

周国丰遭逢母丧缺席　郑子诚体谅应给予空间

至于周国丰今日未有现身发布会，郑子诚透露与周国丰早前遭逢母丧有关。被问到周国丰是否因处理母亲后事而缺席，郑子诚表示：“我冇同佢联络，但大家如果有睇社交媒体都知佢妈妈走咗。我觉得佢现阶段，呢个阶段系畀佢应该静落嚟，唔系呢啲场合叫佢出嚟。我想佢都要照顾吓妈妈嘅身后事。”

已传讯息慰问关心　相信好友能走出伤痛

被问及在周国丰母亲离世后是否有直接联络慰问，郑子诚直言未有打电话，但已透过讯息传递关心：“我冇直接打畀佢，但我有传讯息畀佢。佢冇覆我，但 OK 嘅，我知道。”对于周国丰目前的状态，郑子诚寄予体谅与信任：“佢好将自己心里面谂嘅嘢摆喺文字度，所以如果你有留意佢 Facebook，你都会知道佢整件事嘅心情都反映喺佢社交媒体当中，所以我觉得佢 Handle 到。”