蔡卓妍（阿Sa）今日（13日）现身尖沙咀出席服饰品牌活动。早前盛传怀孕的阿Sa，身穿长款大褛内搭贴身上衣，身形略显丰满且肚凸凸，加上一身平底鞋造型，活动现场亦避饮香槟，种种迹象令现场“孕味浓”。对此，阿Sa亲自回应怀孕疑云，并大方谈及贺岁片拍摄、年尾 Side Track 演唱会筹备、住所隐私遭地产经纪泄漏，以及回应袁澧林揭发在工作现场受到性骚扰等话题。

身形圆润被传“有喜” 阿Sa澄清：有会同大家讲

受访时，面对记者送上“恭喜”，阿Sa即时笑着澄清：“未啊！（见妳避饮酒？）你哋唔好咁敏感啦。（著平底鞋㖞？）品牌要著㗎！（又护肚？）因为我披住件褛，如果摆喺入面咪好似变冇咗两只手啰。总之有，我会同大家讲。”还笑爆最近收到几百个短讯，第一句已经不是问“系唔系？”，而是“恭喜”，“好正，完全唔fact check”。

新片演“Mean爆”食评人狂食 体重达人生最高峰

阿Sa解释圆润不少，是因为近期正与林峰合作拍摄新戏《食住上》，她在戏中饰演一名食评人，因此拍戏期间需要不停进食，磅数激增。“真系由早食到晚！我本身已经戒咗宵夜好多年，但因为拍摄时间好长，连深夜时段都要喺度‘队饭’。”她笑言现时体重已达“人生最高峰”，急需减肥运动，虽然有健身教练老公林俊贤（Elvis）帮手，可惜暂时未有时间。

谈到剧组的拍摄趣事，阿Sa笑称剧组简直是“卧虎藏龙”。她分享道，有次拍摄打边炉要吃花胶鸡汤，原本以为是买回来的，没想到竟是道具组工作人员亲自煲制，还放足5只鸡，非常美味；另一次又有工作人员知她最近辛苦、见晕，特别为她煲了极为滋补的汤水，大赞剧组“好Sweet”。

对于新片拍档朱栢康最近公开认爱。阿Sa直言：“咁优秀嘅男人，有拖拍好正常。”并预告两人系死对头，“拍之前大家已经研究点去演个角色，都几好笑。（佢话佢戏中人设系崩坏？）其实成套戏冇一个人系正常㗎，我就系一个好mean嘅食评人，我有时觉得自己好似丁蟹上身咁。”

Side Track演唱会歌单太完美“要做3日先完”

提及即将到来的Side Track演唱会进度，阿Sa透露有参考粉丝的意见，目前已基本设定好 Rundown（流程），预计11月会正式投入排练。她笑言：“早几日我写咗一个觉得无懈可击嘅Rundown，集各家之大成，又加咗我和阿娇（钟欣潼）私人喜爱嘅歌曲，但呢个流程做3日都做唔完，所以仲要再精简下！”

她亦透露这次演唱会希望与歌迷有更多互动，打造一个好玩的骚。被问到会否打侧手翻时，阿Sa直言不会，强调这次是 Side track 演唱会：“讲明系 Side track 啦，主打歌真系唔会唱㗎！”

演唱会售票发生小插曲，有不法之徒冒充内部员工，以“内部代购”行骗。阿Sa直言事件发生后，有同事和朋友要去差馆落口供，真的很惨，“因为同事电话畀人hack咗，将入钱户口改咗另外一个，有啲朋友唔清楚就入咗，都有几十张飞。不过警察都话好难追。”

回应地产代理泄露住所隐私：要有职业道德

对于早前有地产代理未经同意将疑似其住所的相片和住址上载至网络，阿Sa搞笑以“第三人身分”否认，“我唔系住𠮶度㗎。虽然唔系我嘅地址，但我都戥个受害者好惨。希望佢哋唔会受影响啦。”阿Sa直言地产经纪私底下讨论无可厚非，但公开上载至网上的做法非常不当：“大家都系大人啦，要有返啲职业道德，希望大家唔好咁做。”

支持女演员受不礼貌对待勇敢发声

对于新生代女艺人袁澧林发文揭露在接受访问，及工作环境中遇到性骚扰。阿Sa直言：“我觉得佢好勇敢，好支持如果受到呢啲对待嘅女性，可以勇敢发声。”阿Sa回忆自己新人时期遇到类似情况：“我相信大家唔多唔少都有遇过啦，只系分别于严重同冇咁严重。我会谂返起以前真系太细个，发生嘅时候，自己根本都戆居居，系唔识去点样处理，事后谂返先觉得‘好似有啲唔系咁妥㖞’。”

问到曾经受到过什么言语冒犯，或不礼貌对待，阿Sa透露：“好多㗎，例如有时做嘢开会，一啲工作嘅伙伴，可能佢会用比较‘男性主导’嘅思维去讲一啲嘢，咁样可能已经有啲‘怪怪地’。但以前真系太细个，根本唔识得应对，同埋发生紧嘅时候，都唔知道原来系发生紧，事后先知道。”

谈拍摄“加戏”与亲密戏　导演事前沟通最重要

对于袁澧林提到拍戏时被“加咀戏”，阿Sa表示自己与大部分合作过的导演和男演员均保持良好沟通。她强调，导演在现场扮演极重要的角色：“可能有啲尺度比较大嘅戏，导演会一早同大家讲清楚，希望大家用一个好写实嘅演绎方式，咁大家会有心理准备。”

阿Sa亦坦承拍戏多年曾试过被“加戏”，但她会选择成熟地面对与处理：“叫加戏都有嘅，但事后都会讲返。你可以用一个好成熟嘅方式去表达处理，例如问：‘乜要咁样㗎咩？我哋部戏嘅尺度原来咁大㗎？’（加咗咩戏？）过咗去呢啲唔讲了。”