林峰、蔡卓妍及马天佑今日（13日）于尖沙咀出席服装品牌新店揭幕礼，同场还有泰国女星Kimberley Anne Woltemas。活动上，林峰有意购买品牌限定版长褛送给太太，觉得很适合在香港这种冬天又不是太冷的天气穿著，果然宠妻。

选衣重任太太负责 不敢为女儿扎辫

对于平时与太太会否穿情侣装？林峰受访时，坦言不会特意穿到一模一样：“情侣装呢啲嘢系配搭出嚟，就唔系同一件嘅。（父女装又得唔得？）我觉得都系配搭啰，唔需要一式一样，家庭装其实都系互相配搭，大概色调合拍就得。”

而挑选衣著的重任，林峰称通常落在太太身上：“因为我有选择困难症，所以有时都会叫佢帮我衬一衬。”问到他会否亲自帮女儿打扮，林峰笑言：“太太喺呢方面比较有天份， 妈咪都好钟意帮个女打扮。（有冇帮过阿女扎辫？）完全唔识。我谂过学，但都系唔好了，惊整痛佢。我直情觉得呢样嘢系一种天份，唔得就唔得，我相信我只会搞到佢打晒结，废事啦！”

他透露父女日常互动主要是负责陪女儿“做功课”，“我会同个女讲，每日最紧要将自己应该做嘅嘢做晒，跟住就可以做你想做嘅嘢。（教功课唔系最辛苦咩？）凡事都可以揾到乐趣嘅。（有冇试过教到好激气揸实拳头？）吞落去啰，其实系锻炼自己嘅耐性。令到自己唔好咁急躁。

《九龙城寨》新阵容曝光 口密拒透露对手戏

谈到日前《九龙城寨之终章》举行煞科宴，邵美琪、王丹妮、谈善言、谭旻萱等现身出席，令新剧阵容曝光。林峰直言有的是知道，有的是不知道，因为剧中有很多条支线，问到他跟与哪一位有较多对手戏？林峰非常口密：“到时你咪知啰。（同邵美琪有冇合作？）唔知呢。其实我好庆幸喺近年拍摄嘅一啲新作品中，有机会跟以前未合作过嘅、甚至有啲系我前辈级演员，可以真真正正喺电影上面碰面。（会唔会有同女仔对打戏份？）我哋唔打女人嘅。”

谈到“城寨四子”的感情，刘俊谦早前爆张文杰是“喊包”，煞科时哭得最厉害。林峰直言：“都系㗎，唔好睇佢表面咁硬净，佢系我哋四个里面内心最脆弱𠮶个。”他感叹大家虽然拍戏辛苦了几个月，但感情深厚，所以拍完都是非常不舍：“真系好难得有一部大制作可以喺香港有咁大量嘅投放。”

吴卓羲爆与张曦雯“戏假情真” 林峰笑回应：几十岁人希望佢有平衡

至于另一位兄弟吴卓羲，最近盛传与张曦雯拍拖，问到他有否关心一下？林峰同样口密：“我哋唔倾呢啲嘢㗎！我哋平时只系倾食饭边间好食。（卓羲有冇带埋张曦雯出嚟？）未见过！但我完全唔知咩事，我最近无乜留意新闻。（话佢哋新剧戏假情真？）咪当宣传啰。（有冇觉得佢春风得意？）佢不嬲都好得意。我通常见到佢都系喺Gym room，咁做健身嘅人一定系红粉绯绯、出汗嘛。（Wallpaper有冇转？）我唔知啊，你哋自己问佢啦，我哋咁多年都唔倾呢啲嘢。”

虽然嘴上说不八卦，但林峰亦向兄弟送上祝福：“佢都几十岁人，我都希望佢喺生活上可以有更多平衡啦！”他亦希望如果吴卓羲真是拍档的话，带女友出来给兄弟看看。

年底广州巡演 古天乐钟嘉欣做嘉宾

林峰透露稍后会到泰国拍电影，而音乐上的工作，也安排得密密麻麻。他透露年底的巡回演唱会行程，继广州站后，紧接会在新加坡陪粉丝跨年，明年还有两场美国站，中间还会穿插拍几部电影，行程相当充实。

至于近日曝光广州演唱会，有古天乐和钟嘉欣担任嘉宾，这更是古天乐首次以演唱会嘉宾身份亮相内地舞台。林峰竟坦言：“我都唔知㖞！宣布咗但我唔知，我永远都系最后一个先知。”问到会否与古老板在台上跳钢管舞？林峰笑言：“睇佢啰，我陪佢！（你想跳‘管’，定系‘櫈’？）系咪我做‘管’，佢做‘櫈’，听佢啦！呢啲好随性。”

林峰更笑言连钟嘉欣做嘉宾都不知情，因为他主要集中顾好自己那Part，“因为隔咗几个月份量又再Pick up返，啲舞蹈Step同动作要重新记返。”演唱会接近其生日，林峰直言是特意的，同粉丝一起开心，但女儿因未放假，届时应该不会登台送上生日惊喜。