余安安今日（15/10）出席品牌活动，接受《香港01》访问时透露早前脚部受伤后的最新康复进度。同时，适逢生日月份的她亦有谈及12月即将到澳大利亚出席女儿婚礼的筹备情况。 

三管齐下治疗脚伤 专心备战舞台剧

余安安早前於戏院跌倒导致膝盖骨裂，今日现身时行动已大致顺畅，但她表示仍需时间完全康复。谈到现时的伤势，余安安表示：“自从受伤之后，有时都仲有啲唔舒服，不过喺康复中啦，睇紧物理治疗师，都OK嘅。但依家就有啲动作未做得到，踎唔到，同埋落楼梯唔可以好似正常人咁，要一步一步落，总之需要些少时间啦。”

被问到是否需要戴上保护具，她笑言：“唔使啦，乜都唔使戴啦。”由于适逢她的“生日月”，近期饭局不断，但她坦言不敢过于奔波：“都要出嚟食饭，不过就唔出得夜啦。因为嚟紧舞台剧就要嚟排戏啦，所以都要专心喺屋企。”她亦强调脚伤不会影响舞台剧的演出：“唔会，我喺剧入面都好斯文下，冇乜太多动作，坐多，企下咁啰，讲嘢多反而。”

为了加速复原，她更采取了中西合璧的治疗方法：“我真系三管齐下呀，针灸呀、中医师呀、西医呀，希望尽快好返啦，因为都想行动自如好啲，我好乖好勤力㗎！因为原来两个月只脚冇郁过，啲肌肉流失得好快，而家我学识咗啦，所以做啲负重运动，令啲肌肉快啲可以强壮返。”她更笑称受伤后两条腿的粗幼有点不对称，因此需要更加勤力做运动训练肌肉。至于会否担心留下后遗症，她坦言：“其实都会嘅，始终伤过骨，都要小心啲啰，唔可以好似以前咁跑，要注重返，始终都有少少后遗症，会补充多啲钙质同胶原蛋白。”

12月赴澳大利亚参加女儿婚礼 透露爱女要求高

除了忙于排演舞台剧，余安安12月还有一件人生大事，就是陪同幼女李文骞（Sasha）到澳大利亚举办婚礼。被问到婚礼的准备进度时，余安安笑言：“都仲喺度准备紧，因为我女有啲高要求嘅颜色，比较难揾啲，不过都揾到嘅，要调整吓改吓。”

她透露婚礼将会在户外举行，考虑到当地的天气，在挑选服装上花了不少心思：“因为要搭返啲颜色，同埋12月澳大利亚系好热嘅，主要系户外，所以唔可以穿得太多，太热会流汗唔靓，所以有好多考虑。不过都差不多准备好晒，希望排戏之前准备好晒啲嘢，可以专心排戏，因为又要走一个礼拜，都阻咗佢哋啲时间。”