陈滢日前出席台庆剧《璀璨之城》宣传，10月22日生日的她，获剧组突击送上蛋糕预祝生日，让她大感惊喜。

回应角色“黑化”

陈滢接受《香港01》访问时，提及《璀璨之城》中角色被指渐趋“黑化”，陈滢分享自己见解：“我觉得呢套剧每一个角色都有呢一面，好似正常人咁，都会有好同坏嘅一面。你心底有时好想要一啲嘢，但未必会讲出嚟，因为怕人哋觉得自己自私或者太势利。呢套剧只系将每个人嘅呢种人性放大咗，并唔单止系我一个人黑化。”并预告与张智霖会有很多“精彩”的场口，至于尺度是否超越对方与陈晓华，由观众定夺，而她亦为这套剧都有去操fit，希望突显线条。

清空TVB剧集存货　未安排新剧不感担心

《璀璨之城》是陈滢目前在TVB最后一套存货，她坦言：“系啊，我都有啲唔舍得啊，其实呢个感觉几特别。因为我未试过冇存货，今次系第一次，拍完呢套剧之后，就唔知几时再有一个project畀大家欣赏，所以大家记住要好好支持这套剧。”

被问到TVB可有跟她倾谈未来的拍剧工作时，陈滢坦言：“未有呢个安排。”至于会否感到失落或担心？她豁达面对：“我又冇担心嘅。要嚟嘅时候就会嚟，啱我嘅嘢自然会嚟，而家就系呢个状态。”

今年生日决定“躺平”

即将迎来生日的陈滢，被问到庆祝活动是否已安排得密密麻麻？她笑称非也，今年决定“躺平”：“过往每一年生日，都系我为自己搞一个好大嘅Party，因为我好钟意热闹，但今年我就咩都唔搞，睇下有边个记得我生日、自动乖乖咁约我。暂时得一个圈外男性朋友约咗我食饭，你哋成日话‘老公’𠮶个。我哋真系好好朋友！”被问到第一个约她的追求者会否有加分，她笑言：“我而家冇追求者。”

虽然即将37岁，但陈滢对感情顺其自然，笑言：“唔知算唔算心急，有时心急，有时又唔心急。”提及传好友JW（王灏儿）结婚会否引起她的羡慕，陈滢继续封口笑言：“佢嘅问题我唔回应。（妳自己呢？）都未拍拖点结婚啊？一步一步嚟喇。”

童年搭地铁疑遭咸猪手

另外，近期女艺人袁澧林公开揭露曾在工作环境中遇到冒犯。陈滢表示各行各业、不论男女都有可能遇到不愉快的经历，幸好她“善忘”，不好的事，很快会忘记，而最深印象是小时候搭地铁时曾疑遇到“咸猪手”：“𠮶阵好细个搭地铁，车厢好挤迫，我好明显感受到有啲嘢刻意碰撞我（臀部），女仔嘅直觉都准嘅，但我𠮶时唔识反应，一开门就飙走咗。”陈滢亦鼓励所有女性遇到骚扰时要勇于发声保护自己。