TVB资深演员李成昌（昌哥）入行多年，凭借精湛演技成为剧集不可或缺的“金牌绿叶”，最近他有份参与的《夫妻的博弈》、《璀璨之城》及《玫瑰战争》接著出街，当中后两套更是台庆剧。近日，李成昌出席《璀璨之城》宣传活动，接受《香港01》访问，除了大胆与张智霖（Chilam）相隔多年的再次合作的感受外，亦大方回应卢宛茵日前接受传媒访问时，爆出曾遇恶顶后辈一事。

获监制特意Hold档期　谦称：“可能我够衰啰！”

谈及近期三部剧集接连登场，李成昌表示并非一口气拍摄，中间隔了数个月：“其实唔系一次过拍嘅，积埋积埋，好彩啰，同埋有监制赏识我。”谈到今次《璀璨之城》监制更是hold住他的档期，指定由他饰演剧中角色，李成昌直言：“系啊！可能我够衰啰！又或者因为我喺剧入面有两个好靓女嘅老婆，可能监制觉得我衬啦！”

相隔多年再合体张智霖

李成昌透露，今次在剧中主要对手戏集中在张智霖（Chilam）以及吴卓羲身上。提及与Chilam的合作，李成昌感慨表示两人自《天地男儿》后已多年未有再合作：“《天地男儿》之后就冇啦，今次撞返佢，佢都话唔知过咗几多年，佢好后生！”问到再次合作的感觉？李成昌笑指Chilam还是如此靓仔，令人羡慕有妒忌，而且演技扎实了很多，“以前我都唔惊佢嘅，而家见到佢，畀佢凶一凶，我都窒一窒！因为戏入面佢会凶我，啲戏真系好实净。”

遇后辈直行直过不打招呼　靠一招化解

李成昌早前在社交平台分享与多位艺人的合照，足见圈中人缘极佳。李成昌直言：“好开心啦，因为而家公司啲，无论新又好，旧又好，啲艺员都好识尊重前辈，可能系以前训练班教出来啦；还有一班系喺TVB识咗好耐，大家一齐玩咗好多年嘅演员朋友。”

不过，李成昌也坦言遇到后辈没有礼貌，见到面都不打招呼，甚至直行直过，但后来知道只是误会，更展现前辈的包容：“我觉得佢哋嘅动机唔会无礼貌，只系有时入到电视台，你知啲冷气又冻，我哋啲面口有时又Cool到死，可能佢又要讲两句对白，已经惊到震，𠮶种情况下可能真系顾唔到打招呼。但后来冇嘢了，我拍一拍佢，‘喂，𡃁仔，做咩𠮶日唔叫我呀？想死呀你？’打个笑就过咗去。”

回应卢宛茵爆料恶顶后辈事件

对于另一位资深演员卢宛茵日前接受媒体访问时，透露曾遇过霸道又自以为是的后辈，该后辈甚至闹已故老戏骨岳华不懂演戏。被问到有否类似遭遇时，李成昌表示：“我无遇过自以为是嘅对手，好彩，可能我个样恶啦。但我听过呢一单嘢，但我又唔敢再深入，因为卢宛茵系我大师姐，另外一位就系我嘅朋友，喺公司识咗好耐，但我觉得有时呢啲嘢，我唔喺现场就唔够胆讲。”

李成昌补充指，演员间偶有摩擦实属正常现象：“除咗呢两位嘅事，譬如有时我见到第二啲人，都系因为工作压力、同埋有时啲说话误会，会嘈两句，经常都有。”至于会否充当和事佬？李成昌认为：“其实公司有好多呢啲少少嘅枝节，但我觉得作为外人就唔好参与咁多了。”

入行逾四十载享受拍戏

入行四十多年，李成昌坦言不只现在，他一直以来拍戏都是出于享受：“真系嘅，不过而家个压力冇咁大，就更加享受。”工作之余，李成昌平日喜欢行山及到内地旅游放松。谈到未来的工作安排，李成昌透露将会开拍一套新戏，并大卖关子“叫‘乜乜女王’啰”，并寄望剧集延续之前“女王”剧的佳绩，继续深受观众喜爱。