“天下第一关”郑绍康（Francis）日前现身兰桂坊《兰桂坊怪物巡礼夜》发布会，并担任司仪。他其后受访时，除分享于澳门NBA活动上遇到碧咸、姚明等传奇球星外，亦回应早前他在IG提到一对欠缺社交礼仪的“低班男女”事宜，透露事后要跟对方的家族话事人反映，另外也讲到王贤志欠债及破产一事，表示虽然经济上帮不上忙，但如果要揾工之类，自己非常乐意帮手，并建议对方回港：“我觉得做人系要争气，其实可以返嚟。”

澳门NBA同框碧咸　大赞对方超绅士

Francis先讲到在澳门NBA的体验，其实他已非首次见到碧咸，今次再见仍觉得对方非常非常友善、很绅士，透露：“去见碧咸之前我同蔡思贝都好兴奋好紧张嘅，跟住蔡思贝话你可唔可以帮我拍条片，讲《功夫女足》，碧咸未睇过，唔知咩片，但系碧咸都做宣传话帮你讲，佢真系一个Super Super Super Nice嘅gentlemen，拍完条片之后，星爷又再post咗，所以大家都好兴奋。”虽然有网民指觉得蔡思贝表现过激，但Francis就力撑其实自然和恰到好处，整件事好好。

“低班男女”恶行再升级　已向家族最高话事人反映

早前Francis在社交平台爆料，指有一对“Low Class低班男女”极不要脸，先是在其生日会上，绕过他向现场众星“抄牌”甚至邀约；之后又在未经邀请下去居住同一屋苑的A夫妇家中又食又拎，更离谱的是邀请其他陌生邻居入内参观，终令A太太忍无可忍冲落楼骂，但低班男女竟还要回头攞他随便打开的A家红酒。Francis当时在文中怒斥：“请问各位有冇见过世界上有咁cheap嘅人未？实在肉酸到不能接受”。

《01娱乐》访问Francis，当时有否对方表达不满，他说有反映，但遭无视，反而更变本加厉：“去咗A先生夫妇𠮶度，其实依件事已经处理咗，因为我已经同依对低班男女嘅家族话事人反映咗，我觉得佢家族应该会自己自行处理，应该点样去处理佢哋。”对于对方身份，他只透露非演艺界，而问到“低班男女”在Francis出post后有否道歉，他说：“梗系冇啦，边度有呀？冇呀冇呀。”但他就表示，事后都有圈中人找他，指自己有类似经历。

王贤志卷天文数字巨债　愿助对方找工作

至于前王氏港建家族成员王贤志（Vinci）因欠债破产，并移居至加拿大，遭胞妹王贤德怒轰多次子债父还，连累家人被骚扰：“佢无通知我，就拍拍屁股走咗去 。‘苏州屎’掉低晒俾我哋！”问Francis可得知Vinci现况，他回应：“其实旧年我有撞过佢个妹嘅，我extend my regards to佢，我都同佢阿妹有偈倾，然之后我再睇报道。我亦都有朋友好似上个礼拜，喺地铁站系撞到Vinci嘅另一半嘅，我想喺度讲话如果佢哋有咩需要帮手，唔系财政OK？譬如你哋要揾工，或者你要其他帮忙，我系好乐意去帮助佢哋，因为我觉得，都可以安安稳稳咁样揾返份工，然之后都可以好平安，咁健健康康过生活。”

借镜李曾超群破产翻身史　勉励王贤志回港守破产令：做人要争气

当初不少人认为王贤志不可能为了300万便申请破产，加上胞妹指他欠下金额以“天文数字”形容，邓兆尊就推测对方债台高筑达至1亿，Francis坦言听过很多传闻，但自己无法证实：“我谂只有佢先知道究竟有几多钱。”外界批评王贤志逃避、不负责任，Francis亦理解这些言论，并建议王贤志回港：“我有见到一啲朋友，喺香港，真系好遵守个破产令，的士都唔搭，譬如我睇返以往啲File，李曾超群，佢系有破产令，correct me if I’m wrong，佢后尾赎返个破产令返嚟㗎嘛，就冇破到产。我觉得做人系要争气，其实可以返嚟，面对呢个法律嘅Situation、处境。”