TVB恋爱真人骚《女神配对计划2》，第七集《女神2》，12位求爱勇者与五位女神何沛珈（Roxanne）、阮嘉敏（Mandy）、陈若思（Amber）、俞可程（Kanis）、郭珮文（Juliana），及2位隐藏女神梁超怡（Chiuyi）及陈星妤（Yvette），将挑战刺激感及粉红气泡泡满满的“心跳”主题考验，女神们与求爱勇者将经历一场超近距离的“心跳回忆”。

何沛珈俞可程同车修罗场

为搞搞新意思，5位女神将与有好感求爱勇者，齐齐坐制作组安排的车出发前往今次拍摄现场，当中最有趣的，是由于Roxanne及Kanis之前都拣了Oscar，结果就出现“三人同车”经典黄金画面，气氛极度爆笑尴尬。三人上车的顺序是Kanis、Roxanne及Oscar，当Kanis见到上车的竟是Roxanne，她即大呼尴尬：“好尴尬呀，即系我哋要两个女仔，加一个男仔同一架车。”而Roxanne则大方主动了解，Kanis与Oscar的发展进程。Roxanne：“我想同你倾吓偈，想知你到底系咪非佢（Oscar）不可，或者爱佢爱到拣唔到第二个喇？”对此，Kanis坦言其实仍在观察阶段：“都要再多啲时间相处吓，有冇兴趣了解多啲就一定有，但系咪非佢不可，放弃晒所有人，又未去到呢个程度。”

Oscar大胆提“坐中间”

而最后登车的Oscar，当见到车厢中既有Kanis、又有Roxanne，亦吓了一跳，虽然表现劲尴，但还是勇敢地提出“公道坐法”：“我坐中间咯”、“哗！搞啲咁嘅嘢”、“开心惊喜刺激！”由于不知如何打开话题，三人一度陷入Dead air，极度尴尬的三人最终爆笑收场，Oscar则乘机搞气氛：“好哟，斗尴尬咯！”为了打破闷局，三人将话题扯到“染发”上，岂料换来一轮“差别待遇”争风呷醋事件，Roxanne突然“火力全开”，搞笑地句句求Oscar关注兼捉错处：“点解你唔赞我嘅？”、“点解你留意佢IG嘅”，最终事件演变成Oscar Roxanne斗嘴、Kanis陪笑，事件亦意外令Roxanne与Oscar感情升温：“当我了解多咗Roxanne之后，我会发觉原来佢好高冷，但系佢讲嘢系好笑架㖞，因为我自己又系好钟意开玩笑，大家打乒乓波咁来回接笑点，系有畀Roxanne惊讶到嘅。”Kanis亦大方指Oscar 与Roxanne好夹；“我觉得佢哋嘅互动都几搞笑，都几啱倾嘅，我就觉得可能佢哋都几夹。”

两男出尽法宝隔空争阮嘉敏

Roxanne与Kanis被安排近距离争仔，至于东东及Hepta则隔空出招争Mandy。虽然很多人都觉得东东胜券在握，但东东仍是竭尽所能讨Mandy欢心，完全是“长跑型痴心男”。二人齐齐坐车出发前往场地时，东东刻意为Mandy送上企鹅公仔挂饰，成功令Mandy笑逐颜开，另边厢同样深爱Mandy，而且年期仲要有番咁上下长的Hepta，虽然连与Mandy好好长时间相处的机会都还未遇到，但他一样是竭尽所能为Mandy花尽心思，这天拍摄，他便为Mandy送上眼药水，Hepta：“你钟意一个人，佢同你讲话佢钟意𠮶样嘢，你就会记住下次想带畀佢架啦。”原来Hepta一直都有为Mandy送上各式各样的必须品，是一等一“绝世暖男”，Mandy：“佢成日送好多胶布、眼药水呀，佢系行走嘅便利店，我真系谂唔到佢做漏啲乜。”